Burela, 30 de novembro de 2020. Nos vindeiros días a corporación municipal ten previsto abordar en Pleno a actualización das taxas e ordenanzas municipais que rexerán no 2021 como acostuman a facer todas as administracións locais a finais de cada ano.
Dende O Vencello queremos volver a denunciar a asfixia fiscal que os veciños, comercios e autónomos do noso municipio estamos a padecer.
No pasado mes de abril (en pleno confinamento) nos diriximos por escrito ao Goberno local para solicitarlle a inmediata rebaixa dos custes e das esixencias administrativas para tramitar algunhas taxas municipais, pero despois de sete meses aínda non tivemos ningún tipo de contestación oficial ao respecto da nosa reivindicación.
Os veciños de Burela estamos discriminados respecto doutros concellos da comarca en materia fiscal e -nalgúns casos- padecemos unhas taxas requisitorias como a referida á ocupación de vía pública con materiais destinados á construción (andamiaxes, colectores de entullos, etc…).
Dende o pasado mes de abril que denunciamos este abuso seguimos mantendo que os trámites esixidos polo Concello para esta taxa e custe que leva aparellado son abusivos e claramente discriminatorios en comparación co resto de concellos da Mariña.
-91 veces máis cara ca media dos outros concellos da Mariña-
Así por exemplo, o propietario dunha vivenda que necesite ocupar durante unha xornada de traballo 8 metros de beirarrúa para acometer a limpeza dos canalóns da súa casa en Burela vese na obriga de ter que pagar por oito días de ocupación (é o mínimo de días fixados por este concello para poder conceder o permiso). Ademais, tamén ten que presentar un Estudo Básico de Seguridade e Saúde firmado por un técnico acreditado.
Mentres, noutros concellos veciños coma Foz, Viveiro, Cervo ou Xove esta mesma taxa está estipulada por días (sen a obriga de ter que solicitala por un mínimo de oito xornadas) e tampouco é necesario presentar dito estudo técnico.
Deste xeito, o Concello de Burela cobra actualmente unha taxa de ocupación de 218€ pola ocupación de oito metros da vía por oito días de ocupación (prazo mínimo obrigatorio); mentres que o de Foz so cobra 1,20€/m e Viveiro 2,40€/m por día.
Como dicimos, esta diferencia tan avultada débese fundamentalmente a que a tramitación deste permiso no Concello de Burela esixe a presentación dun Estudio Básico de Seguridade e Saúde firmado por un técnico (150€+IVA aprox.) mentres que nos outros concellos non é preciso este documento; pero aínda eliminando este estudo técnico a taxa en Burela segue sendo claramente superior á de Foz ou Viveiro, xa que en Burela é obrigatorio solicitala por un tempo mínimo de oito días.
Este é so un exemplo da presión fiscal que estamos a padecer en Burela.
A isto hai que engadir tamén a máis que previsible suba doutros prezos públicos municipais, como o do lixo, derivado do novo contrato firmado entre o Concello e a nova concesionaria deste servizo.
Queremos lembrarlle a tódolos compoñentes da nosa Corporación que estes impostos témolos que soportar todos os veciños de Burela (autónomos, empresarios, asalariados… todos) e tralo acontecido coa paralización da economía pola pandemia do Coronavirus creemos que non é asumible nin xusto para o conxunto dos cidadán.
-Rebaixa asumible-
Pensamos que unha rebaixa da presión fiscal é perfectamente asumible, pois o noso Alcalde ten manifestado publicamente en varias ocasións que o Concello dispón dun superávit e remanente de tesourería, o que lles permitiría rebaixar os ingresos deste municipio, ingresos xerados a maior parte por cidadáns e clase traballadora.
Estamos inmersos en plana crise e restroceso da economía por mor da pandemia e creemos que será un escollo insuperable si a Corporación Municipal non ofrece a todos os veciños/as algunha rebaixa fiscal; unha chiscadela aos cidadáns para que poidamos ter un lixeiro respiro na nosa economía familiar.
Por iso, solicitamos novamente á Corporación Municipal que traballen en artellar mecanismos legais que permitan a rebaixa das taxas e impostos municipais para o conxunto dos veciños e veciñas de Burela e que materialicen esas medidas no Pleno de aprobación das novas taxas municipais como xa llo solicitamos hai sete meses.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
