LUGO .- O Presidente da Deputación, José Ramón Gómez Besteiro, e a Vicepresidenta Segunda, Lara Méndez, desprazáronse este xoves a Riotorto para supervisar os traballos que as máquinas do Parque Móbil do organismo provincial están a executar en varias estradas municipais da zona.
A Deputación trasladou a Riotorto un equipo de rego, composto por 2 camións e 1 pisonadora, para levar a cabo os traballos de asfaltado de máis de 4 quilómetros dos viais de Ferrreiravella pola Igrexa á Granxa, da Pía, e Riotorto a A Cabana, en A Pontenova. Deste xeito, o organismo provincial acomete actuacións por valor de 80.000 euros, e aforra cartos a este municipio ó asumir os custes que suporía a contratación deste servizo.
Gómez Besteiro salientou que se trata dunha iniciativa que se enmarca dentro da aposta pola cooperación máxima cos Concellos. Neste senso, lembrou que a Deputación incrementou en máis dun 20%, con respecto ó ano pasado, o orzamento adicado ó Parque Móbil para 2010, superando ós 3.200.000 euros, é dicir, uns 600.000 euros, para adquirir nova maquinaria.
As máquinas do organismo provincial traballan durante todo o ano nos distintos Concellos da provincia levando a cabo actuacións de nivelación, refino, apertura e limpeza de cunetas, de escombreiras, de bordes de terrapléns, ou cortes de taudes, así como tarefas de mantemento de pistas, nas estradas de titularidade municipal.
Visita oficial
O titular do organismo provincial e a responsable da área de Promoción Económica e de Emprego aproveitaron a viaxe a Riotorto para manter un encontro co Alcalde deste municipio, Federico Gutiérrez, e atender as súas demandas: o arranxo do vial que une Riotorto e o Marco de Álvare, e a dinamización turística da zona.
Neste senso, o Presidente anunciou que “a Deputación está xa expropiando os terreos, un proceso nos que investimos 1.000.000 euros, para comezar, logo do verán, as obras de mellora nesta estrada e así poñer fin a deuda histórica que mantiña a Deputación con este Concello”. Pola súa banda, o rexedor popular agradeceu ó Presidente esta actuación “que viñan reclamando os veciños de Riotorto dende hai 20 anos”.
Da mesma forma, acudiron a Ferreiravella onde asistiron a unha demostración do labor artesanal dos ferreiros, unha tradición moi arraigada nesta zona. Precisamente, o organismo provincial, mediante Km0.Deputación de Lugo, organiza visitas guiadas a esta localidade para dar a coñecer o traballo destes artesáns. Trátase dunha ruta que foi incluída no programa medioambiental logo das xestións da Vicepresidenta Segunda, e coa que a Deputación achegou 150 persoas a Ferreiravella logrando potenciar este sector, e o turismo da zona.
A continuación, a Comitiva trasladouse a Nave dos Labregos de Riotorto, unhas instalacións onde se almacenan e distribúen produtos elaborados por unha sociedade de agricultores da provincia. O Presidente interesouse por coñecer a actividade dos membros deste colectivo a quenes lles explicou que o organismo provincial aposta por impulsar e potenciar estes alimentos mediante a campaña de promoción Lugo-Sabe.
A visita rematou no colexio de Riotorto onde Gómez Besteiro adiantou que a Deputación investirá 12.000 euros para equipar o parque infantil.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
