RIBADEO (FNC) .- Do 22 ao 30 de maio Ribadeo acollerá a I Ruta de Compras, que organizan ACISA e o Centro Comercial Aberto coa colaboración do Concello. Unha campaña que coincide coa quinta edición do Ribadeo de tapeo para dinamizar aínda máis a vila ao longo de todos estes días. Na Ruta de Compras participan 61 establecementos asociados a ACISA e o CCA que ofrecerán aos seus clientes descontos que oscilarán entre o 3 e o 50%.
Francisco Iriarte, presidente de ACISA e CCA, sinalou que “esta campaña vai vinculada ao Ribadeo de tapeo que fai o Concello a través da Área de Desenvolvemento Local. Queremos apoiar esa cita e que as tendas asociadas ao CCA tamén participen dalgún xeito nesta quinta edición da ruta de tapas. Faremos publicidade con dípticos e carteis da Ruta de Compras para que todo o mundo coñeza os descontos e as ofertas que farán nestes días os nosos establecementos asociados”.
Iriarte considera que “así a colaboración co Ribadeo de tapeo será máis importante porque entre todos tentamos atraer máis xente á nosa vila. Os clientes dos bares e restaurantes poderán selar tamén as súas cartulinas nas tendas participantes na Ruta de Compras, ao mercar nos nosos establecementos. Poderán conseguir un máximo de catro selos comodín”.
ACISA e Centro Comercial Aberto participan con diversos premios na quinta edición do Ribadeo de tapeo, unha viaxe a un balneario, un vale de compra de 300 euros, unha cámara de fotos doada por Informática Cero Uno, un mp4 xentileza de PC Coste, un lote de produtos doado por Bodegas Ribeirao e un lote de libros de cocina de Gráficas Santiago.
No acto de presentación celebrado hoxe nas instalacións de ACISA e CCA o alcalde de Ribadeo aproveitou para felicitar publicamente ao novo presidente do colectivo, Francisco Iriarte, “sempre mantivemos o Concello e o CCA unha especial relación e agora seguirá sendo igual de boa que era e tentaremos facer máis cousas en conxunto. Eu creo que desta iniciativa que agora se presenta enmarcada no Ribadeo de tapeo se debe extraer algunha conclusión, que cando as cousas se fan en conxunto saen mellor, a unidade de acción é moi importante, ás veces con menos cartos ou cos mesmos recursos se poden facer máis cousas cando se fan de xeito coordinado”.
Para Fernando Suárez “é unha boa cousa que a xente veña a tomar un viño e unha tapa e que ao mesmo tempo acudan e aproveiten para comprar en Ribadeo. Este matrimonio que temos CCA e Concello debería seguir no tempo facendo máis actuacións. É fundamental facer este tipo de actividades en momentos baixos de afluencia de xente a esta zona, e así tamén se pode plantar cara a outras iniciativas que desenvolven algunhas grandes áreas comerciais a máis de 100 quilómetros de aquí. Con estas iniciativas conxuntas estamos dando unha imaxe de fortaleza de cara ao exterior moi importante”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
