Ribadeo, 24 de novembro de 2020. O proxecto ‘Eu quero ser coma’ da Concellaría de Igualdade rematará estes días coincidindo coa celebración do 25N. Xurdiu o curso pasado coa finalidade de visibilizar ás mulleres e os seus logros ao longo da historia e tivo que parar coa chegada da pandemia do covid. As 38 persoeiras elixidas darán nome ás aulas de primaria e infantil do colexio público Gregorio Sanz e do colexio Sagrado Corazón. Foron editadas unhas placas co nome e coa ilustración de cada unha destas mulleres que lles van ser entregadas estes días aos centros de ensino, segundo deu a coñecer a edil de Igualdade, Mariluz Álvarez Lastra.
A edil ribadense lembrou que “Eu quero ser coma é un proxecto que naceu coa finalidade de visibilizar ás mulleres e os seus logros ao longo da historia, os cales foron ocultados, silenciados, como se elas non existisen. Clara é a máxima, “o que non se nomea non existe”.
Álvarez Lastra explicou que “foron 38 as persoeiras elixidas coas que se traballou nas aulas, investigando sobre elas e afondando nos seus logros e achegas á sociedade. Nunha primeira fase realizouse un traballo de investigación e información impartindo unhas sesións en cada aula, que se desenvolveron o pasado ano ao longo dos meses de novembro e decembro. Posteriormente, nunha segunda fase puideron ver e coñecer máis delas a través das Viaxes no tempo que se realizaron no mes de febreiro. Mediante representacións teatralizadas o alumnado desde infantil ata sexto de Primaria dos Colexios Gregorio Sanz e Sagrado Corazón de Xesús tiveron contacto con persoeiras de diversos ámbitos (música, pintura, ciencia, literatura, deporte, etc.), algunhas delas orixinarias da Mariña coma Maruxa Mallo, outras galegas como a primeira muller futbolista, Irene González, ou a primeira astrónoma galega, Antonia Ferrín, e outras de ámbito internacional como a cantante Violeta Parra, a precursora do wifi, HedyLamarr, etc, ademais da atleta ribadense Ana Ferradás”.
A concelleira de Igualdade seguiu a relatar que “o alumnado da clase de coeducación do IES de Ribadeo Dionisio Gamallo, 4 profesoras dese mesmo centro e 2 voluntarias do grupo de teatro de Ribadeo, encarnaron os papeis desas mulleres. No momento no que os grupos atravesaban as portas, deixaban de estar no 2020 para remontarse a outros anos, e poder disfrutar das anécdotas e das aventuras contadas de primeira man por mulleres que aínda hoxe son recordadas polo seu papel na historia, pese a que nun primeiro momento a maioría sufriron moitas trabas para poder chegar onde chegaron, pola condición de ser mulleres”.
Mariluz Álvarez Lastra subliñou que “os nomes destas mulleres bautizarán as aulas de Primaria e Infantil do Colexio Público Gregorio Sanz e do Colexio Sagrado Corazón de Xesús. Editáronse unhas placas co nome e cunha ilustración de cada unha delas que levou a cabo o alumnado de 3º e 4º da ESO do IES de Ribadeo Dionisio Gamallo, de educación plástica, visual e audiovisual. Coincidindo coas Viaxes no tempo aproveitouse para realizar unha exposición dos debuxos das ilustracións, que tivo lugar na Escola de Música e Danza Municipal de Ribadeo e a edición de chapas para cada aula. Agora estes días procederemos a facer entrega desas placas que darán nome ás aulas dos colexios”.
A edil de Igualdade engadiu que “como culme deste proxecto colaborativo e participativo deseñouse un xogo denominado A tribo. Trátase dun xogo de cartas nas que as persoeiras identificáronse coa cor correspondente ao seu campo profesional (arte, literatura, deporte ou ciencia) e levarán na marxe unha bandeira indicando o territorio do que proceden as diferentes mulleres. Propóñense dúas formas de xogar, una de dificultade baixa e outra media e ademais o xogo libre para que creen e imaxinen outras modalidades de xogo. As cartas levan os deseños das ilustracións que fixo o alumnado de 3º e 4º da ESO do IES de Ribadeo Dionisio Gamallo, de educación plástica, visual e audiovisual para este proxecto. Este xogo foi financiado polo Secretaría Xeral de Igualdade dentro da liña de subvencións cos fondos procedentes do Pacto de Violencia de Xénero do Estado. Repartirase un xogo a cada alumna/o do Colexio Sagrado Corazón de Xesús e do Colexio Gregorio Sanz e tamén´ao alumnado de 1º da ESO do IES de Ribadeo por participar no proxecto, xa que o pasado curso estaban en 6 de Primaria”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
