RIBADEO (FNC) .- O equipo de goberno propuxo no pleno dos orzamentos celebrado onte renunciar ás dietas por asistencia a estas sesións, segundo explicaron o alcalde, Fernando Suárez, e o concelleiro de Facenda, Vicente Castro. Unha proposta que despois foi secundada polos partidos da oposición.
O edil nacionalista asegurou que “o deste ano é un orzamento realista e austero, o feito de que sexa superior ao de 2009 podemos consideralo como puramente anecdótico e ven marcado pola inversión destinada para o pavillón polideportivo da Avenida de Luarca, que ascende para este ano a 800.000 euros e polas obras da travesía urbana que supoñen nesta anualidade 700.000 euros”.
Vicente Castro suliñou que “este equipo de goberno fixo un grande esforzo no recorte do gasto corrente en todos os capítulos. Creamos un fondo social contra a crise que será desenvolvido posteriormente polos Servizos Sociais. No debate o noso grupo manifestou a intención de renunciar ás dietas por asistencia a plenos que posteriormente secundaron os grupos da oposición”.
O concelleiro de Facenda considera que “a situación pola que atravesamos é o suficientemente crítica como para que tratemos de botar unha man ás situacións de máis desamparo como é o caso a dos desempregados e o gasto social en todos os aspectos”.
Castro tamén explicou que “hai unha baixa nos gastos financieiros que ven dada pola baixada de tipos e que ten a maior repercusión neste exercizo. A crise pola que estamos atravesar tamén repercute na baixada de ingresos e máis sensiblemente no capítulo referido a fondos do Estado, o que se chama o Fondo Nacional de Cooperación Local”.
O edil do BNG recalcou que “no equipo de goberno podíamos tirar para adiante co orzamento prorrogado que nos permitiría dispor de máis fondos no capítulo de gasto corrente, pero entendemos que na situación que atravesamos este Concello debe ter un orzamento axustado ao momento que vivimos e non un presuposto prorrogado. A prórroga do orzamento non contempla o caso das subvencións o que limitaría a un montón de asociacións, colectivos e clubes para a realización das súas actividades. Por esto era tamén importante que o orzamento saise adiante”.
A Vicente Castro parécelle lamentable que “os grupos da oposición utilizasen como recurso para votar en contra do orzamento o reparto dos famosos 68.000 euros entre os funcionarios do Concello. Nós entendemos que nos tempos que vivimos os que gobernamos temos que axustarnos a esta realidade e axudar ás familias que viven con máis dureza esta crise”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
