Lugo, 13 de novembro de 2020. O Presidente da Deputación de Lugo, José Tomé Roca, deu conta este venres dos asuntos aprobamos na Xunta de Goberno onde saíron adiante actuacións que suman un investimento de case 800.000€ para avanzar na mellora da rede de estradas provinciais. Tomé Roca explicou que “seguimos adoptando acordos importantes para favorecer o equilibrio territorial e a mellora de calidade dos veciños e veciñas”.
O mandatario provincial e responsable directo da área de Xestión Territorial anunciou a licitación dos traballos de mellora da vía provincial que une Pedrafita do Cebreiro con Seoane do Courel, a LU-P-1301. Ten un orzamento de 310.000€e contempla a ampliación da estrada, dos actuais 4 metros, ata os 6 metros de ancho, ademais da drenaxe, afirmado, pavimentación e sinalización horizontal e vertical. O prazo de execución é de 12 meses. “Coa licitación destas obras cumprimos co que eu mesmo anunciei no último Pleno, hai pouco máis de dúas semanas, cando adiantei que o proxecto para esta importante obra xa estaba feito e que ía saír axiña a contratación”. Tomé Roca lembrou o seu compromiso como Presidente de arranxar os 6 quilómetros desta estrada neste mandato en tres anualidades. “Este é o primeiro tramo e neste mandato arranxaremos os outros dous”, subliñou.
O Presidente indicou, ademais, que para que a comunicación entre estes concellos quede rematada e acondicionada, faltaría arranxar a estrada de titularidade autonómica que conecta Folgoso do Courel con Seoane do Courel. Tomé Roca solicítalle á Xunta de Galicia “que se fixe no que fai a Deputación de Lugo e arranxe esta estrada que non só serve para a mobilidade da veciñanza, senón que tamén é unha das porta de entrada á Ribeira Sacra, polo que non pode estar nas condicións nas que se atopa agora mesmo, pois semella do século XIX”, subliñou. Así mesmo, engadiu que con respecto a esta vía autonómica, “a Xunta tena esquecida, non fixo nada nos últimos 11 anos”.
Outro dos acordos en materia de estradas que contou co visto bo da Xunta de Goberno deste venres é a adxudicación das obras de mellora da LU-P-2901, en Lugo. É a estrada que vai dende o Burgo ata Palas de Rei e onde se van investir 85.000€ para mellorar o firme nun tramo de máis de 2 quilómetros, que dá continuidade aos 3,3 que se arranxaron recentemente. Trátase dunhas actuacións que beneficiarán de xeito directo aos centos de veciños das parroquias de Xanaz, Castrelo, A Retorta, Poutomillos, Bacurín, San Pedro de Mera e Vilachá de Mera. O prazo de execución é de 9 meses.
En Cervantes, tamén quedou aprobado o Plan de Seguridade e Saúde no traballo das obras de rehabilitación do firme da estrada provincial LU-P-1408. Este é o último trámite administrativo para que poidan comezar os traballos, que teñen un orzamento de 37.700€ e que afectan a 1 quilómetro desta vía, que comunica os núcleos de Fonquente e de Noceda.
97 novas marquesiñas
A Xunta de Goberno tamén aprobou a adxudicación do programa de dotación de 97 marquesiñas na rede viaria provincial para este ano 2020. Destínanse 325.400€ na instalación destas estruturas en estradas provinciais dos 67 concellos da provincia. Co fin de garantir unha adecuada integración no entorno, e tendo en conta as características das marquesiñas instaladas en anos anteriores, serán de madeira maciza tratada en autoclave. Contarán cun banco e serán pechadas polos laterais con cristal para que permitan a visión e, á vez, protexan ante as incidencias meteorolóxicas.
“Cada concello terá un mínimo dunha marquesiña e as restantes repártense en función de criterios obxectivos, como o número de quilómetros de vías provinciais que pasan por cada municipio.
A Deputación de Lugo comezou no ano 2011 a renovar as marquesiñas das estradas provinciais para substituír as existentes, que tiñan máis de 20 anos. Dende ese momento, instaláronse 332 novas marquesiñas en toda a rede provincial a través deste plan, que se desenvolve a institución provincial en cooperación cos concellos.
Peche do campo de fútbol de Lourenzá
A Xunta de Goberno deulle o visto bo a unha solicitude do Concello de Lourenzá para investir 53.600€ dos remanentes dun convenio de colaboración que tiña como finalidade o acondicionamento dun campo de fútbol de adestramento na localidade. Con esta cantidade, o Concello mellorará os accesos e pechará estas instalacións.
Solicitude dos hortos do Rato
Aprobada a autorización de usos dos 150 hortos urbanos do parque do Rato, o que significa que vai comezar a súa adxudicación nos vindeiros días. Nesta primeira fase poderán optar aquelas persoas ou entidades que xa foran usuarias dalgún horto urbano con anterioridade e poderán desfrutalas por un prazo de dous anos.
O prazo para que estas persoas fagan a súa solicitude comezará a contar a partir de que as bases se publiquen no Boletín Oficial da Provincia (BOP) a semana que vén. Haberá 10 días para que presenten a documentación correspondente. A asignación dos hortos celebrarse o día 14 de decembro mediante un sorteo no Pazo de San Marcos.
Os hortos que queden libres nesta primeira fase de adxudicación poñeranse a disposición de todas aquelas persoas que nunca tiveran un horto e que queiran optar a un.
Póliza de seguros de accidentes
Visto bo para a licitación do contrato dunha póliza de seguros de accidentes por 105.000€ para dous anos. O obxectivo é dar asistencia a todas as persoas que participen nas actividades e cursos organizados pola Deputación de Lugo e tamén para dar cobertura aos usuarios e usuarias dos Centros de Atención a Maiores.
Outro dos contratos adxudicados foi o relativa aos servizos de comunicación da institución provincial por un importe de 930.000€ a Telefónica. A través deste contrato mantense a de rede de conexión, tanto telefónica como de Internet, de todas as dependencias da Deputación.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
