Lugo, 13 de novembro de 2020. A subdelegada do Goberno en Lugo, Isabel Rodríguez, informa de que o Servizo Provincial de Costas do Ministerio para a Transición Ecolóxica e o Reto Demográfico abre o prazo de presentación de solicitudes para instalacións de tempada nas praias da provincia de Lugo para o ano 2021.
Costas publica hoxe no Boletín Oficial do Estado o anuncio de información pública no que comunica que o prazo estará aberto desde o luns, día 16 de novembro, ata o día 22 de decembro inclusive.
As persoas interesadas deberán presentar unha instancia acompañada por documentación coa proposta da zona a ocupar, indicando os metros cadrados, plano de situación e pranta nos que se represente a liña de deslinde do dominio público marítimo-terrestre, presuposto das instalacións e estudo da previsión dos beneficios netos no período solicitado e proxecto básico das instalacións xunto con fotografía da instalación, nos casos nos que fora posible.
No caso das solicitudes para actividades deportivas de carácter náutico, así como actividades que conleven o lanzamento ou varada de embarcacións, os solicitantes deberán acreditar a inscrición na Federación correspondente. No caso deste tipo de instalacións, só se poderán autorizar en treitos urbáns de praia e deberán ir acompañadas do informe da Federación.
En todo caso, as instalacións dos servizos de tempada deben respectar a lexislación vixente en materia de Costas e, en particular, as prescricións relativas a superficies de ocupación, distancias entre instalacións, concentración máxima ou efectividade da servidume de tránsito, entre outras.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
