Ribadeo, 13 de novembro de 2020. Nun mes foron adquiridos 2.200 packs de panchas, o que supón un volume de negocio de 88.000 euros. O concelleiro de Comercio, Pablo Vizoso, fai un balance positivo da marcha da segunda edición desta campaña.
O edil ribadense dixo que “detectamos que se moveu de xeito favorable nos últimos días a segunda edición da campaña das panchas, que daba comezo o pasado 9 de outubro. Arrincou moi ben, porque nunha semana foron adquiridos 900 packs da nosa moeda local, e agora parece que repunta de novo”.
Pablo Vizoso lembrou que “aínda quedan días para facerse coas panchas e para gastalas no comercio e na hostalería locais. Esta iniciativa está animando o consumo local nuns momentos que están a ser moi complicados para o sector servizos en Ribadeo, sobre todo para o comercio e para a restauración. Estamos sufrindo os peches perimetrais de Asturias, de Lugo, da Coruña e iso ten repercusións negativas en Ribadeo, unha vila que recibe a centos de visitantes as fins de semana, que aproveitan para facer as súas compras os domingos no noso comercio e que tamén disfrutan da oferta gastronómica que atopan na hostalería local”.
O concelleiro de Comercio subliñou que “as panchas potencian o consumo local, a necesidade de apostar pola proximidade, de facer as compras nas tendas de Ribadeo e de consumir nos bares e restaurantes da nosa vila”.
Vizoso agarda que “a campaña siga a bo ritmo estes días e que tanto ribadenses coma veciños e veciñas da Mariña e dos lugares que poden desprazarse ata aquí aproveiten esta iniciativa que estamos a desenvolver en Ribadeo ata o vindeiro 1 de decembro”.
A campaña das Panchas foi organizada polo Concello de Ribadeo en colaboración con Acisa e ABanca e conta co apoio da Deputación de Lugo.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
