Foto de arquivo
Lugo, 4 de novembro de 2020. Logo de ter coñecemento na tarde deste martes dun caso positivo por Covid-19 dunha persoa traballadora de Mensajeros de la Paz, a entidade adxudicataria de prestacións básicas no Centro de Atención a Maiores de Trabada, a Deputación de Lugo informa do seguinte:
Na mesma tarde do martes, a institución provincial adquiriu os kits para a realización das probas para a determinación mediante PCR da presenza de SARS-COv2. A primeira hora da mañá deste mércores o persoal sanitario da Deputación de Lugo, coa formación técnica necesaria para a recollida de mostras, procedeu ao cribado masivo dos 27 usuarios e usuarias do centro, e das 22 persoas traballadoras que se atopan en activo.
O persoal sanitario da Deputación entregou as mostras antes das 12 da mañá de hoxe a un centro de diagnóstico lucense autorizado pola Xunta de Galicia, que consta inscrito no Rexistro de Centros Sanitarios.
Esta tarde, o laboratorio comunicou que as 49 probas realizadas resultaron negativas. Nun primeiro momento, unha das análises obtivo un resultado non concluínte, polo que se decidiu repetila para obter as máximas garantías. Esta nova análise deu como resultado negativo, polo que TODAS AS PROBAS SON NEGATIVAS.
A Deputación de Lugo recibe con satisfacción este resultado e subliña que os protocolos de seguridade que aplica nos centros de maiores da súa titularidade dende antes da declaración do primeiro Estado de Alarma, en moitas ocasións con medidas por riba das establecidas polas autoridades sanitarias, están dando bo resultado, tendo en conta, ademais, que a orixe do único caso de contaxio no CAM de Trabada está localizada fóra do centro, en concreto, na residencia de San Cibrao.
Ao mesmo tempo, a institución provincial continúa a extremar as precaucións e cumprindo os protocolos de prevención e contención da Covid-19 que ten implantados dende o inicio da pandemia, seguindo sempre as indicacións que marcan as autoridades sanitarias competentes na materia.
De feito, ademais das probas que fixo a Deputación, toda a comunidade do Centro de Atención a Maiores de Trabada -residentes e persoal traballador- se someteron tamén durante este mércores ás diferentes probas diagnósticas prescritas dende o SERGAS, cuxos resultados esperamos recibir nun prazo máximo de 48 horas.
A Deputación de Lugo púxose en contacto coa persoa traballadora con resultado positivo para interesarse polo seu estado de saúde e desexarlle unha pronta recuperación. Manifesta que segue asintomática, como se mantivo durante todo este tempo. Cabe sinalar que esta persoa non estivo en contacto coa comunidade do CAM de Trabada dende hai 6 días, momento no que foi coñecedora de ser contacto directo con outra persoa traballadora da residencia de maiores de San Cibrao que resultou positivo. Polo tanto, está localizada a procedencia do contaxio e a persoa traballadora do centro de Trabada permanece illada do resto dos traballadores e dos usuarios.
Dada a evolución que a pandemia está tendo na nosa provincia, incidir en que o risco de contaxio cero non existe, polo que toda a sociedade debe colaborar para a contención do virus. Trasladar a solidariedade da Deputación de Lugo coas persoas que están padecendo a enfermidade e, especialmente, aos centros de maiores que están vivindo momentos difíciles, sendo coñecedores do importante esforzo humano que realizan.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
