NOTA DE PRENSA:
EN RESPOSTA AO BNG, A CONSELLEIRA DE SANIDADE MANTÉN EN ENTREDITO O FUTURO DAS ÁREAS SANITARIAS DE MONFORTE, A MARIÑA, VALDEORRAS E O SALNÉS
Ana Luisa Bouza preguntoulle até 3 veces, sen obter resposta, á conselleira de Sanidade se estas áreas van ter xerencia integrada propia ou van depender de Lugo, Ourense e Pontevedra
Santiago de Compostela, 12 maio 2010.- A conselleira de Sanidade , Pilar Farjas confirmou esta mañá que o futuro das áreas sanitarias de Monforte, A Mariña, Valdeorras e O Salnés está en entredito xa que seguiu mantendo a confusión sobre a súa continuidade.
A conselleira de Sanidade respondeu esta mañá no Pleno Parlamento Galego responder a unha pregunta da portavoz de sanidade do BNG, Ana Luisa Bouza, sobre o futuro destas áreas sanitarias.
“Vaise crear unha área de xestión integrada nas actuais áreas sanitarias de Monforte, Valdeorras, A Mariña e O Salnés que abarquen o mesmo territorio que as actuais e que incorporen os recursos de atención primaria?”, inquiriu a deputada nacionalista
A parlamentaria do BNG subliñou que “a xente desas comarcas mobilízase porque entende que se pasan a depender dos hospitais de Lugo, Ourense ou Pontevedra vai empeorar a atención sanitaria, porque serán relegados á hora de adxudicar recursos económicos e humanos”.
“Deixen de xogar á confusión cos cidadáns e aclaren se estas áreas van ter xerentes executivos que dependan dos hospitais provinciais de Lugo, Ourense e Pontevedra ou vanse converter en áreas de xestión integradas propias e independentes. Pídolle que sexa clara e que deixen de crear confusión na cidadanía”, preguntoulle a deputada do BNG até por tres veces.
Porén, na súa resposta a conselleira de Sanidade volveu incidir en que “eu non xestiono o territorio, só nos preocupa mellorar a calidade da asistencia sanitaria” e en ningún momento afirmou con claridade que estas áreas sanitarias se converterán en áreas de xestión integradas, integrando a atención primaria, e sen depender dos hospitais de Lugo, Ourense e Pontevedra.
Para a deputada do BNG a negativa da conselleira de Sanidade a responder de xeito claro “fainos entender que o futuro destas áreas sanitarias queda en entredito”.
Ademais, Ana Luisa Bouza criticou que “o Partido Popular diga que se está enganando á xente con este tema, cando os que enganan son vostedes, que manteñen a confusión de forma deliberada, dicindo nesas comarcas que se manteñen e no Parlamento non garante para nada que estas áreas sanitarias vaian manterse como áreas propias de xestión integrada”.
“A xente vive nun territorio, con problemas para desprazarse, e iso tamén debe preocuparlle ao Goberno do PP”
Por outra parte, Ana Luisa Bouza, amosa a súa preocupación porque “a titular de Sanidade insista en que o territorio non lle interesa”. “Aos galegos e galegas si lles interesa, porque viven nun territorio, con moitos problemas de falta de infraestruturas, con moita xente maior con problemas de mobilidade que tería moitas dificultades para desprazarse por exemplo dende O Barco a Ourense ou dende A Mariña á cidade de Lugo, e porque entenden que suporía un empeoramento na atención sanitaria”, subliñou a deputada nacionalista.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
