Lugo, 29 de agosto de 2020. Coñecido no día de hoxe dende o Servizo de Prevención da Deputación Provincial de Lugo un caso positivo por COVID-19 dun traballador do servizo de seguridade do Pazo de San Marcos, un servizo que a institución ten adxudicado a unha empresa externa -Ilunion Seguridad-, a Deputación de Lugo informa de que adoptou as seguintes medidas:
Esta mesma mañá, en canto o Servizo de Prevención tivo coñecemento do positivo do vixilante de seguridade, este mesmo servizo estableceu contacto coa empresa adxudicataria do contrato de seguridade solicitándolle que retire do servizo de inmediato, este mesmo sábado, a todo o persoal da empresa que traballa no Pazo de San Marcos e que o substitúa por outros traballadores. A empresa informou a Prevención de que está en disposición de facelo e de que someterá a probas PCR a todos os traballadores que estiveron desenvolvendo a súa labor no Pazo de San Marcos.
A Deputación encargou á empresa pública Tragsa, medio propio da institución, a limpeza e desinfección específica establecida para a prevención de contaxio da COVID-19 da totalidade das dependencias do Pazo de San Marcos e das zonas de acceso e traballo do Museo Provincial para máxima seguridade e ante a posibilidade de contacto entre persoal de ambos centros de traballo e do das empresas de vixilancia e de limpeza, que prestan o servizo nos dous centros. Estas tarefas comezarán esta mesma tarde.
O Servizo de Prevención da Deputación comunicou ao Servizo Galego de Saúde (SERGAS), a autoridade sanitaria coas competencias, as medidas adoptadas pola institución provincial e solicitou instrucións para proceder co persoal. Mediante esta comunicación, o SERGAS, como primeira medida, trasladou a necesidade de que se poñan en contacto con Servizo Galego de Saúde aqueles traballadores e traballadoras que estiveran en contacto coa persoa afectada por un período igual ou superior a 15 minutos e sen o uso de mascarillla. Así mesmo, o SERGAS trasladou que aplicarán os protocolos establecidos para este tipo situacións.
A adxudicataria do servizo de limpeza das dependencias e edificios da Deputación, Tragsa, está así mesmo en comunicación co SERGAS para aplicar tamén os protocolos necesarios no persoal que desempeña as súas funcións na institución provincial.
O Servizo de Prevención enviará unha comunicación a todas xefaturas de servizo da Deputación de Lugo informando desta situación e das medidas adoptadas.
A Deputación manterá o seguemento da situación a través do servizo de Prevención para minimizar o risco de contaxio.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
