Ribadeo, 28 de agosto de 2020. O presidente de APAGA, Álvaro Doural, fixo un balance moi positivo do IX Fórum de Innovación e Formación sobre Vehículos que esta noite remata en Ribadeo. A asociación premiou a Industrial Recense, Carrocerías Hermanos Rega, Agacal e Seguros Óscar García Teijeria polo seu apoio. Foi no transcurso da cea celebrada onte, xoves. APAGA decidiu poñer en marcha estes galardóns na súa última asemblea xeral.
Para Álvaro Doural “dada a situación e o momento que vivimos, creo que o balance deste Fórum é moi positivo. Aínda que nesta edición non temos o número de participantes de anos anteriores, pero a calidade das ponencias segue mantendo un alto nivel e está claro que este novo sistema de traballo quizás se vaia quedar. Eu creo que foi un acerto importante meter actividades lúdicas, e quizáis foi un programa un pouco sobrecargado de actividades, pero penso que os participantes están francamente moi contentos da actividade. Agora hai que seguir traballando por todo isto, que eu creo que merece a pena. Todo isto ven a indicarnos o camiño a seguir: isto non pode parar e debemos seguir traballando aínda que as circunstancias ás veces son difíciles e complexas e sempre un está con certo temor de que poida haber algún problema de contaxio, pero tomando as medidas de seguridade e de hixiene oportunas non ten por qué pasar nada”.
O presidente de APAGA tamén se referiu á asemblea xeral da asociación, que se celebrou onte pola tarde: “decidimos crear unha nova iniciativa, que son os premios e recoñecementos a determinadas entidades polo seu apoio á labor que está desempeñando APAGA. Son empresas e entidades de aquí, da zona, e algunha tamén externa. Onte á noite recoñecemos xa a catro institucións e empresas: por una parte Carrocerías Hermanos Rega, Industrial Recense, Agacal (departamento de Consellería de Medio Rural) e tamén á empresa Seguros Óscar García Teijeira, que colabora desde o inicio deste Fórum con nos. Na asemblea de onte presentamos tamén o esquema de traballo e de proxectos de 2020-2021 e rendéronse as contas, como todos os anos, do exercicio do ano pasado, de 2019 neste caso, que é o exercicio que está pechado. Así mesmo expúxose cómo está todo o que son os proxectos Erasmus, afectados polo covid-19. Nesta asemblea os socios tamén propoñen algunha cousa novedosa. O ano pasado propuxeron que neste 2020 houbera unha parte lúdica e así se fixo coas saídas que realizamos estes días”.
Os galardóns entregados onte á noite foron recollidos por Luis Ansedes, de Industrial Recense; Eduardo Rega, de Carrocerías Hermanos Rega; Óscar e Eliseo García Teijeira, de Seguros Óscar García Teijeira; e Manuel Rodríguez, director de Agacal.
Hoxe, venres, terá lugar a presentación do Porsche Taycan na explanada do Porto de Rinlo ás 21:00 horas, seguida dunha cea coa que concluirá o IX Fórum de Innovación e Formación sobre Vehículos. Esta mañá houbo charlas, pola tarde seguirán os obradoiros e tamén haberá un paseo en tren turístico pola vila de Ribadeo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
