O pleno que se celebrará o xoves 26 no Concello de Burela aprobará a proposta para elaborar o segundo plan para a igualdade de oportunidades entre as mulleres e os homes do municipio, que se desenvolverá desde a concellaría da Igualdade. A edil nacionalista, Neves Cando, lembra que “Burela xa desenvolveu despois da súa aprobación en xaneiro de 2005 o primeiro plan ao longo dese ano e do 2006 que se centraba en catro áreas de intervención: información, sensibilización e medios de comunicación; educación en igualdade; saúde integral e promoción da inclusión social e cultura, ocio e deportes”. Cando engade que “no primeiro trimestre de 2007 fíxose unha avaliación deste primeiro plan e agora imos comenzar co segundo no que tomaremos coma referencia as liñas básicas que marca o goberno galego nesta área de actuación”.
O novo plan co que vai contar Burela abordará tres áreas: o acceso á información e aos recursos; a formación en igualdade entre homes e mulleres e a abordaxe integral da violencia de xénero. Neves Cando di que “a formación é un paso fundamental para acceder a unha sociedade xusta e igualitaria, e a violencia de xénero hai que abordala empezando polos mozos e mozas do concello que teñen que concienciarse para vivir nunha sociedade libre da lacra social da violencia contra as mulleres”.
A concelleira de Igualdade anuncia que durante o verán a súa delegación e as técnicas do CIM iniciarán as liñas básicas deste plan para despois presentárllelo entre setembro e outubro ás concelleiras da Corporación Municipal “para que colaboren, aporten, melloren e reflexionemos sobre as liñas de actuación e posteriormente será aprobado en pleno e despois comenzaremos a desenvolver este segundo plan para a igualdade de oportunidades entre as mulleres e os homes do Concello de Burela”.
No pleno de mañá pola tarde tamén se someterá a aprobación a incorporación de Burela á rede galega de concellos galegos pola sustentabilidade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
