Nota de Prensa
Estua afirma que os casos de Rinlo e Barreiros son marca da casa do PP
O BNG denuncia que o PP esta a converter nunha lameira a vida pública da Mariña
O Bloque Nacionalista Galego solicita que o Partido Popular aclare se avala a actuación das equipas de goberno de Barreiros en relación cos supostos delictos que lle imputa a fiscalía e a imputación do Presidente de Portos de Galiza en relación coa súa imputación pola licencia concedida a planta de acuicultura de Rinlo.
Neste sentido, segundo informou Xoán Estúa o BNG vai esixir no Parlamento de Galiza a comparecencia do Conselleiro Agustín Hernández a fin de coñecer cal é a posición do Goberno Galego en relación con estes feitos. “Non imos dar por normais actitudes que non teñen cabida na vida pública, cada día que pasa na que estes señores están a ocupar a súa responsabilidade o que están é a estender unha mancha de dúbidas sobre a institución que representan”, afirmou Estúa quen lamentou que “os responsábeis do PP en Lugo en Galiza están sendo cómplices deste tipo de actuación”.
Na mesma liña, referíndose as declaracións dos populares nas que lle demandaban ao BNG unha solución para o problema de Barreiros, Estua recordou “quen creou o problema foi o Partido Popular no Concello de Barreiros e tamén a nível galego, que avalou unha política que agora lle vai ao peto de todos os galegos, e nese sentido as declaracións do Grupo Provincial do PP non son máis que unha cortina de fume coa que pretende desviar a atención informativa, diante dun grupo de goberno que o día 28 de maio terá que comparecer diante do Xuíz”. Neste sentido Estúa esixiu que o PP aclare como permite a presencia en cargos públicos de persoas imputadas, a non ser que ese sexa o exemplo de representante público que o PP lle quere vender a sociedade galega.
O Vice Portavoz Comarcal do BNG foi máis alá ao afirmar que a día de hoxe o convenio urbanístico de Barreiros está en vía morta, tanto pola moratoria da Lei de Medidas Urxentes que impide definir as actuacións na área dos 500 metros, como pola situación de ilegalidade na que quedan as vivendas unifamiliares e das segregacións que se levaron a cabo en solo de núcleo como pola ausencia de calquera tipo de garantía para facer efectiva a aportación económica por parte dos constructores. “O Convenio non foi máis que un paripé, co que a Xunta pretende atopar unha coartada para deixar de persoarse nos contenciosos abertos” recalcou Estua.
Estua afirmou que a “actitude do grupo de goberno de Barreiros e do Presidente do Portos de Galiza non son unha anécdota, máis pola contra, son un reflexo do lameiral no que está a converter a vida política da Mariña os populares até o punto de queren dar como boa a ausencia de calquera referente ético na vida pública”. “Quen dá por boa estas prácticas, acaba por converterse en cómplice das mesmas ate o punto de que se queda sen ningún tipo de lexitimidade a hora de opinar” afirmou o nacionalista quen lle esixiu a Balseiro que aclare se no suposto de que o Xuíz atope materia penal na actuación do grupo de goberno de Barreiros vai permitir que os mesmos continúen nos seus cargos no Concello de Barreiros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
