Santiago, 19 de agosto , 2020. O BNG insta á conselleira de Educación a explicar as medidas previstas polo goberno ante o inicio dun curso escolar marcado polas consecuencias da COVID 19. Nesta liña, o portavoz de educación do grupo parlamentario nacionalista, Manu Lourenzo anunciou a solicitude do BNG para que titular de educación compareza no Parlamento galego, de maneira urxente, para dar resposta ás demandas dos representantes do profesorado, ás familias e o propio estudantado.
A día de hoxe, dixo, carecemos de “certezas e medidas” que garantan a seguridade no inicio do curso escolar e a situación derivada polo incremento de casos da COVID fai necesario que a consellería de Educación escoite á comunidade educativa. Lourenzo criticou o “desleixo” do goberno galego na loitar contra a pandemia e pediu que tome decisións ante o incremento dos contaxios.
Na comparecencia ante os medios de comunicación, Lourenzo explicou que a Xunta non anunciou “ningunha partida de novo investimento nin medida para fortalecer á comunidade educativa”. Lonxe de actuar como goberno, estamos ante “un sainete intolerable” cun “presidente desaparecido, unha conselleira incapaz de escoitar á comunidade educativa para consensuar un protocolo e un conselleiro de Sanidade que renuncia as súas competencias”. O goberno galego, recalcou o nacionalista, debe actuar e deixar de “botar balóns fóra responsabilizando a outras administracións”. Para o deputado do BNG, estamos ante un escenario que exixe “a máxima responsabilidade e contundencia”.
As familias non poden ser obrigadas a escoller entre o dereito á saúde e o dereito á educación
O sistema educativo galego, explicou o deputado nacionalista precisa dun “goberno responsable” que priorice “un protocolo consensuado coa comunidade educativa” para garantir seguridade ao o estudantado. Isto non será posible, advertiu coa política de “custe cero de Feixóo” polo que volveu a reclamar a contratación de máis persoal e atender as demandas sobre transporte e conciliación. “As familias galegas non poden ser obrigadas a escoller entre o dereito á saúde e o dereito á educación”.
Son momentos de estar á altura, reafirmou Lourenzo e “Feixóo, o conselleiro de sanidade e a conselleira de Educación deben asumir as súas responsabilidades”. O problema non se resolve coa entrega de tres ordenadores por aula nin abrumando con burocracia ao colectivo educativo, a situación resolvese “con máis investimento, un protocolo claro, e un goberno que aposte pola sanidade pública e a educación pública”.
A vindeira semana , a portavoz nacional do BNG, Ana Pontón e o portavoz de educación, Manu Lourenzo manterán unha xuntanza con representantes do profesorado, familias e colectivos de estudantes para abordar un protocolo que garanta as funcións do sistema educativo con seguridade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
