Ribadeo, 9 de xullo de 2020. O alcalde de Ribadeo, Fernando Suárez, asinou hoxe un convenio de colaboración con Acisa/CCA. Estará vixente durante os anos 2020, 2021e 2022 e permitirá seguir impulsando o comercio na vila.
O rexedor reiterou o interese e apoio do Concello a un dos sectores máis representativos e dinámicos de Ribadeo: “nós como institución cremos que a unión fai a forza e a entendemos vital nestes momentos, de aí que incrementemos nun 31 por cento a contía deste convenio con respecto ao trienio anterior pasando de 42.000 euros a 55.000 euros”.
O concelleiro de Comercio, Pablo Vizoso, expresou a súa satisfacción pola sinatura do convenio que “ven culminar esa folla de ruta para a modernización, innovación e promoción do comercio de Ribadeo. Este acordo plurianual permitirá planificar con previsión as accións a desenvolver nos vindeiros anos de cara a impulsar o comercio local e facelo aínda máis atractivo e competitivo”.
As liñas de traballo xerais que se marcan serán a innovación e fomento do comercio local, promoción e dinamización, fomento das sinerxias entre o comercio e turismo, capacitación e profesionalización do sector e o apoio á transformación dixital do pequeno comercio, que terá un papel esencial. Trátase dunha liña de traballo na que o Concello de Ribadeo quere afondar e apostar firmemente nos vindeiros anos.
Vizoso Galdo engadiu que “desde o goberno municipal continuaremos indo da man coa Asociación de Comerciantes para poñer en marcha proxectos que teñan como obxectivo principal a dinamización da actividade económica e a creación de emprego e que potencien e modernicen o pequeno comercio”.
Desde Acisa o seu presidente, Francisco Iriarte, amosouse satisfeito pola sinatura deste convenio: “estamos moi contentos polo incremento na contía do mesmo. Todos os anos se producía, pero nesta ocasión é maior debido á crise derivada do Covid-19. Pedímoslle un esforzo maior ao Concello para poder organizar campañas os vindeiros meses de apoio ao comercio e á hostalería locais, que tan necesitados están da nosa axuda”.
E engadiu que “tamén haberá unha maior aposta desde o Concello polos provedores locais. Xa a había, pero agora será máis importante”.
Asinaron o convenio plurianual entre Concello e Acisa o alcalde e o concelleiro de Comercio xunto ao presidente da Asociación de Comerciantes. Tamén asistiron ao acto o xerente e o vicepresidente da organización empresarial.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
