Santiago de Compostela, 18 de Xuño 2020. A portavoz nacional, Ana Pontón, salientou que a situación extrema na que está ALCOA non se resolve desde o lamento, ni botando balóns fora, posición na que se sitúa o candidato do PP, senón poñendo alternativas viables para salvar o emprego e a produción da factoría de San Cibrao.
“Teño moi claro que se que se eu hoxe fose presidenta da Xunta o Goberno do Estado tería sobre a mesa unha proposta para nacionalizar ALCOA co participación pública da Xunta, acompañada da proposta dunha tarifa eléctrica galega para acabar co espolio enerxético do país e co dislate de ter miles de empregos en xogo polos custes enerxéticos cando producimos electricidade a esgalla”, salientou.
“O que non vale é o que está facendo o candidato do PP que simplemente se queda no laio, no lamento e na queixa, cando se necesita unha resposta contundente por parte da Xunta á hora de defender o emprego en ALCOA”, criticou, nun exemplo máis da actitude “escapista” de Feixóo que bota balóns fora cando hai problemas. “Reitero que se eu fose presidenta de Galiza hoxe o Goberno do Estado tería unha proposta de intervención pública encima da mesa, con participación da Xunta para salvar o emprego en ALCOA-San Cibrao e salvar a comarca da Mariña”.
Pontón subliñou que o despido de 534 traballadores previsto para este 25 de xuño “é a antesala do peche”, e que ese despedimento masivo é posible “grazas a contrarreforma laboral do PP que o Goberno PSOE-Podemos non foi quen de derrogar”, ademais de indicar que o problema de ALCOA non xurdiu onte senón que leva anos asomando a cabeza, e agravado desde que o Goberno de Feixó aprobou un marco enerxético que supón a ruína do sector industrial do país.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
