Foz, 14 de xuño de 2020. A presidenta do PP da provincia de Lugo, Elena Candia, defende que “A Mariña non se pode permitir perder os postos de traballo da fábrica de Alcoa en San Cibrao”. Así de contundente o manifestou, “como veciña desta comarca”, esta mañá na concentración en defensa do emprego na factoría que se desenvolveu en Foz e que contou coa participación doutros representantes do Partido Popular coma o secretario xeral do PPdeG, Miguel Tellado, para amosar o seu respaldo ás demandas dos traballadores que hoxe en Foz reclamaban ao Goberno unha solución para Alcoa.
“O tempo para salvar Alcoa e o emprego na Mariña esgótase”, advertiu a máxima dirixente popular na nosa provincia expoñendo que, con todo, “o Goberno de Pedro Sánchez aínda está a tempo” de reverter a situación da planta se cumpre o que leva prometendo ano e medio para dar unha solución para Alcoa. “O Goberno central ten nas súas mans establecer un prezo eléctrico competitivo para que a fábrica manteña a súa actividade e, polo tanto, o emprego”.
Candia asegura que “o Goberno de Sánchez lle está a dar as costas á fábrica de Alcoa” e sinala que “é a primeira vez que un Goberno de España se desentende”. A popular recorda que “houbo momentos difíciles e tanto o Goberno de Zapatero coma o de Rajoy estiveron á altura das circunstancias”. A popular explica que “o principal problema da fábrica é o elevado prezo da electricidade”, polo que, “demandamos que o Goberno lle garanta un prezo da enerxía eléctrica que lle permita competir con outras fábricas da Unión Europea”.
“Son moitas as familias da comarca da Mariña afectadas pola ameaza de peche da fábrica de Alcoa en San Cibrao”, recordan. “Nós estamos ao seu carón para defender os miles de postos de traballo que se ven ameazados nestes momentos” porque “defender o futuro de Alcoa é defender o futuro da Mariña”, conclúe a popular.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
