RIBADEO (FNC) .- Este xoves, día 29 de abril, ás 20.30 horas no Auditorio Municipal Hernán Naval, terá lugar unha nova edición do Festival de Danza da Escola Municipal de Música e Danza (EMMeD) de Ribadeo. Esta actuación enmárcase nos actos programados polo centro ribadense para conmemorar a celebración do Día Internacional da Danza. Unha oportunidade para que todas as alumnas que están matriculadas nesta disciplina podan amosar o traballo feito ao longo deste curso 2009/10. “Será un espectáculo no que se poderán comprobar as evolucións das alumnas matriculadas nunha das materias máis demandadas de todas cantas ofrece a EMMeD de Ribadeo”, sinalaron dende a dirección do centro.
Esta actividade será a primeira dunha serie de audicións e concertos que ten programados a EMMeD de Ribadeo durante o mes de maio. Por elas pasarán todas as alumnas e alumnos do centro, de todas e cada unha das disciplinas que alí se imparten. As audicións celebraranse de luns a venres, entre os días 3 e 7 e máis do 10 ao 14 de maio, nas dependencias da EMMeD de Ribadeo, na Casa do Mar. No caso do concerto do día 4 de maio, das alumnas e alumnos de Iniciación á Música, a actuación será no Auditorio Municipal Hernán Naval. Grupos de frauta, clarinete, percusión, guitarra, piano, oboe ou corda, entre outros, serán os encargados de ofrecer esta serie de concertos que xa forman parte da programación de actuacións do centro ribadense.
Con este tipo de concertos a dirección da EMMeD de Ribadeo “quere posibilitar que as alumnas e alumnos matriculados gocen da oportunidade de demostrar en público o traballo que estamos facendo ao longo de todo o ano”. “Para as nenas e nenos é un xeito de ir adentrándose na dinámica de actuar en público, perder o medo ao escenario e ao mesmo tempo aprender a preparar o repertorio, tanto individual coma en grupo, para ofrecer un concerto”. Todas as actuacións son gratis e abertas a todo o público que queira asistir ás mesmas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
