Santiago, 8 de xuño de 2020.- O portavoz do Grupo Popular, Pedro Puy, amosou hoxe a súa satisfacción polo inicio da fase 3 da desescalada na crise sanitaria do coronavirus en Galicia e sinalou que “agora o que nos preocupa son os efectos desta pandemia”. Deste xeito, demandou ao Goberno central que se pronuncie sobre o mantemento da planta de Alcoa en San Cibrao, coa aprobación do estatuto para as empresas electrointensivas; a rebaixa do IVE no sector turístico; ou un reparto xusto do fondo de 16.000 millóns que destinará ás comunidades autónomas.
Pedro Puy cualificou como unha “boa nova” a entrada de Galicia na fase 3 da desescalada, que “permite mellorar os intercambios económicos, pero tamén, con todas as garantías sanitarias, o reencontro entre familias e amistades”. Neste sentido, valorou que “en Galicia estanse a facer as cousas ben, tendo en conta o desempeño e capacidade de resposta á pandemia a través do sistema sanitario e o seguimento dos posibles casos de rebrote”, aínda que reiterou a necesidade de “continuar co exercicio de responsabilidade da sociedade para xerar un gran beneficio social”.
ALUMINIO CON FUTURO
Unha vez se avanza na superación da crise sanitaria, o portavoz popular sinalou que “o que nos preocupa son os efectos da pandemia a nivel económico e social”. Neste sentido, lembrou aos milleiros de persoas que participaron onte na manifestación convocada en Viveiro en favor da factoría de Alcoa en San Cibrao e o mantemento dos 534 postos de traballo, e lamentou que “levamos máis de ano e medio solicitando atención ao problema das industrias hiperelectrointensivas para que poidan competir en igualdade de condicións cos seus competidores europeos”.
“A día de hoxe, o problema sigue presente e seguimos demandando que o Goberno central se pronuncie sobre a importancia que ten para España o mantemento da única planta que produce aluminio primario, unha industria con futuro tendo en conta o camiño que seguimos cara un menor uso do plástico e un maior uso do aluminio en sectores estratéxicos como a construción ou a automoción”, sinalou.
Puy lembrou que o borrador de estatuto electrointensivo avanzado polo Goberno central “conta con alegacións presentadas polos gobernos autonómicos de Galicia, Asturias e Cantabria, nas que empresas deste tipo teñen unha gran incidencia na súa economía”; e considerou que “é o momento para incorporar estas alegacións e elaborar un plan específico para este sector industrial co obxectivo de optar aos fondos previstos pola Unión Europea”.
“É unha prioridade máxima”, asegurou Pedro Puy, quen concretou que “o principal problema é a incerteza que existe sobre os prezos da enerxía eléctrica”. “Unha empresa no pode manterse con perdas eternas, polo que, se o prezo eléctrico é competitivo, Alcoa ten futuro en A Mariña”, afirmou.
DESTINO SEGURO CON PREZOS RAZOABLES
O portavoz popular tamén se referiu ao turismo, “un dos sectores máis afectados pola pandemia do coronavirus”. Así, manifestou que este sector “ben merece unha aposta decidida, e máis en Galicia tendo presente a próxima celebración do Xacobeo 2021”. Deste xeito, considerou “razoable” a proposta realizada polo Presidente da Xunta de baixar o IVE ao sector turístico do 10 ao 4 por cento, nos anos 2021 e 2022, “porque contribuiría a dinamizar o sector, incentivar a demanda e recuperar un sector moi intensivo en man de obra e xeración de postos de traballo”. “Galicia debe converterse nun destino seguro, ao que hai que engadir uns prezos razoables”, apuntou.
Por último, respecto do reparto do fondo de 16.000 millóns de euros por parte do Goberno central entre as comunidades autónomas, Pedro Puy saudou que “parte das demandas de Galicia xa foron aceptadas, pero o certo é que as propostas que se fixeron onte non son todo o xustas que deberían ser coa nosa comunidade”.
Neste sentido, explicou que a distribución deste fondo “non ten en conta suficientemente criterios que se recollen no financiamento autonómico, como no gasto sanitario, o envellecemento ou a dispersión da poboación, e as medidas implantadas en Galicia con resultados útiles, como o sistema Telea ou a medicalización das residencias integradas”.
“O resultado da distribución queda lonxe do que consideramos xusto para Galicia e entendemos que debe de continuar avanzándose”, afirmou Pedro Puy, quen engadiu a necesidade de que estes fondos “deben ser administrados, con independencia da base de cálculo, polas comunidades autónomas”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
