Viveiro, 30 de maio de 2020. O Concello de Viveiro tomou a decisión de trasladar o mercado semanal dos xoves, que tradicionalmente se celebra na praza Maior, ao paseo marítimo para poder así ubicar a totalidade dos postos.
Tendo en conta as medidas de flexibilización que se viñeron decretando nas fases 1 e 2, que permitían a apertura dos mercados priorizando a venda de produtos de alimentación, e restrinxindo tanto o aforo de público como o número de postos, o concello estivo realizando as xestións necesarias co fin de poder buscar un lugar alternativo á Praza Maior, de maiores dimensións.
Para poder reubicar o mercado tivose en conta, ademais, que o espazo alternativo fose un lugar céntrico e, ao mesmo tempo, o máis próximo posible á actual ubicación.
Atendendo a todos estes criterios, considerouse que a mellor ubicación alternativa é o Paseo Marítimo, no espazo comprendido entre a Ponte da Misericordia e os Xardíns Noriega Varela. Precisamente, o venres pola mañá os técnicos municipais delimitaron a ubicación de cada un dos postos co fin de que o vindeiro xoves xa poida celebrarse o mercado semanal neste novo espazo.
Os titulares de cada un dos postos recibirán a vindeira semana a comunicación oficial da reapertura do mercado semanal, nesta nova ubicación, indicándoselle o lugar exacto do emprazamento do seu posto.
O mercado mensual dos días 1 e 3º domingo de mes permanecerá, polo momento pechado, tendo en conta que non resultou posible buscar un lugar alternativo que cumprise con todos os requisitos para permitan a súa reapertura coa totalidade dos postos, mantendo as distancias de seguridade establecidas.
Finalmente, o concello quere deixar claro que, en todo momento, traballou coa determinación de buscar unha medida que garantise a seguridade de todos os veciños e veciñas e, ao mesmo tempo, permitise reanudar o mercado na súa totalidade.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
