Ribadeo, 27 de maio de 2020. Cancelado o Ribadeo Indiano 2020, que se ía celebrar do 10 ao 12 de xullo. Así o decidiron esta tarde o Concello e Acisa. Os organizadores antepoñen a responsabilidade por riba de todo para lograr a máxima protección posible contra o Covid-19 e póñense a traballar na edición de 2021.
O alcalde, Fernando Suárez, explicou que “quixemos agardar ata o último momento, tanto a Asociación de Comerciantes como o Concello de Ribadeo, pero finalmente decidimos ir na liña do que outros Concellos da comarca, de Galiza e do resto do Estado están facendo nos últimos tempos no sentido de que debemos antepoñer a responsabilidade por riba de todo para lograr a máxima protección posible contra o coronavirus. Polo tanto se temos en conta a nova normalidade no que ten que ver co distanciamento físico que debemos ter entre a cidadanía e tamén o necesario control de aforo nos diferentes espazos públicos, así como tamén atendendo ás distintas normativas de obrigado cumprimento, tanto das autoridades do Estado como das autonómicas, decidimos Acisa e Concello de Ribadeo, de común acordo, cancelar a edición do Ribadeo Indiano 2020, así como tamén aqueles outros eventos que poidan supoñer masificación e que poidan ir contra as directrices sanitarias que todos debemos cumprir, cando menos durante esta época estival”.
O rexedor asegurou que “traballaremos desde este mesmo momento, Acisa e o Concello de Ribadeo, para facer unha edición marabillosa do Ribadeo Indiano 2021 e para que sexa entón o momento do reencontro. O Ribadeo Indiano quere lembrarse de todas aquelas persoas que se foron un día, especialmente para América, e sempre quixemos que fora a festa do reencontro, pois agora queremos para a edición do Ribadeo Indiano 2021 quedarnos con ese espírito e que garde esa ansia de encontro para que todos (de Ribadeo, da comarca, de fóra, do mundo enteiro) nos volvamos atopar na seguinte edición do Ribadeo Indiano”.
Pola súa banda o presidente de Acisa, Francisco Iriarte, sinalou que “acabamos de ter unha reunión cos departamentos municipais de Cultura, Turismo e Alcaldía e estamos totalmente de acordo coa cancelación do Ribadeo Indiano 2020. Cremos que a seguridade é o primordial ante todo. Sabemos do sacrificio que supón isto para os nosos asociados e asociadas, sobre todo de comercio e hostalería, pero hai que facelo así porque as normas son as normas e a saúde é o principal. Agora o que nos queda é cumprir co que nos din e non cometer ningún erro”.
O responsable do colectivo empresarial lamenta “chegar a esta situación e adoptar esta decisión, porque estamos a falar dun evento que para a hostalería supoñía a fin de semana de mais facturación do ano. E tamén era unha cita moi importante para o noso comercio. Agora toca apostar pola saúda para recuperar en canto sexa posible a vella normalidade, pero aínda queda un camiño que percorrer. Estamos convencidos de que todos xuntos sairemos dista”.
Iriarte Quintana agarda que “para o 2021 podamos facer un Ribadeo Indiano aínda máis forte e máis potente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
