Lugo, 23 de maio de 2020.- A Consellería de Economía, Emprego e Industria convoca aos comerciantes e autónomos de Lugo a un seminario web que se celebrará o vindeiro martes 26 de maio, ás 18.00 horas, a través da plataforma institucional para videoconferencias da Xunta, Cisco Webex.
Ese encontro, aberto a calquera persoa interesada, servirá para explicar as medidas de apoio da Xunta de Galicia para avanzar na reactivación económica. Contará coa participación do conselleiro, Francisco Conde; o delegado territorial, José Manuel Balseiro; a directora xeral de Comercio e Consumo, Sol María Vázquez, e o director do Instituto Galego de Promoción Económica (IGAPE), Juan Cividanes.
Balseiro explicou que se trata dunha convocatoria específica para os empresarios lucenses e o acceso á plataforma é sinxelo e gratuíto, a través do enderezo electrónico https://xunta.webex.com/xunta/onstage/g.php?MTID=e39aefdfbcc24ee99e203ab4e9c8fd30a
O obxectivo da reunión é explicar de primeira man as principais accións de choque acordadas pola Xunta e resolver as dúbidas ou consultas que poida xerar cuestións como os programas de axuda ou a seguridade no traballo.
Entre outras iniciativas, a Xunta aprobou un plan de dixitalización que vai mobilizar 40 millóns de euros para que o sector do comercio, os autónomos e as pemes poidan acceder ás novas tecnoloxías. Tamén se incentivarán a internacionalización e selección de mercados e canles de venda.
Ademais, para mitigar as consecuencias do cese de actividade, o Goberno galego activou unha inxección inmediata de liquidez a través dunha liña de préstamos de ata 200.000 euros para pemes e autónomos co 100 por cento dos intereses bonificados pola Xunta.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
