BURELA (FNC) .- O Concello ven de solicitar unha entrevista coa delegada territorial da Xunta para saber por qué están paralizadas as obras de reparación previstas nas Casas Baratas e nas vivendas de protección da rúa do Río. Uns traballos aos que o anterior goberno galego destiñou un millón de euros.
A concelleira de Benestar Social explica que “dende o Concello de Burela dirixímonos á Delegación Territorial da Xunta en Lugo para solicitar unha entrevista na que coñecer de primeira man as razóns polas que as reparacións previstas nas Casas Baratas e nas vivendas de protección da rúa do Río se atopan paradas”.
Neves Cando sinala que “despois de varias xestións feitas ante da Delegación de Vivenda dende hai xa meses e das que non se obtivo ningunha resposta ao respecto e despois de que a xunta directiva da asociación de veciños das Casas Baratas se puxese en contacto con nós para amosarnos a súa preocupación pola falta de noticias sobre as obras das súas vivendas, decidimos facer esta solicitude oficial para tratar de avanzar nesta falta de solución da Xunta”.
A edil nacionalista lembra que “estas actuacións se enmarcan dentro dun compromiso asinado pola anterior conselleira de Vivenda, a nacionalista Teresa Táboas, e que respondía ás demandas dos veciños destas vivendas ante o estado de deterioro dos seus tellados que nunca antes recibiran ningún de arranxo por parte da administración autonómica. Dentro deste compromiso contemplábanse tres actuacións, en primeiro lugar a reparación dos tellados das 50 vivendas do grupo San Juan Bautista das Casas Baratas, que supoñían un investimento de máis de 560.000 euros e que xa tiña concedida a licenza municipal para acometer ditas obras; en segundo lugar, a reparación dos tellados das 52 vivendas do grupo Antonio Garelli tamén das Casas Baratas que tiñan unha inversión prevista de 330.000 euros e o proxecto xa aprobado; e por último a reparación dos tellados das 42 vivendas de protección da rúa do Río nas que se ían investir uns 100.000 euros e que tamén tiñan o proxecto listo”.
Cando engade que “despois de máis dun ano de goberno do PP na Xunta de Galicia estes proxectos están parados e os veciños agardando a que se fagan estas obras das que, como dixen antes, algunhas xa tiñan a licenza municipal lista para levalas a cabo. Os veciños e nós tamén estamos preocupados por esta situación e reclamamos unha resposta. Despois de décadas sen acometer ningunha obra de reparación destas vivendas o BNG na anterior Consellería de Vivenda decidiu actuar e atender as demandas destes veciños investindo máis dun millón de euros nestas obras e agora o PP na Xunta paróunas porque nada sabemos do tema e xa pasou tempo dabondo para continuar o proceso. Os veciños destas vivendas queren saber si o PP, agora na Xunta de Galicia, vai cumprir estes compromisos ou non e si o PP renega destes compromisos xa asinados e tramitados e lles da as espaldas aos veciños de Burela ou non”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
