SANTIAGO .- A Xunta asegura que en Galicia hai “boa competencia lingüística nas dúas linguas oficiais”. Interpretando datos do Instituto Galego de Estatística desprendese que o 82,9 por cen da poboación escribe habitualmente en castelán e o 43,6 por cen fala máis castelá que galego ou non fala sempre en galego.
O galego é a lingua de maior uso social en Galicia, segundo se desprende da “enquisa de condicións de vida das familias”
Os datos do Instituto Galego de Estatística indican que o 56,4% da poboación fala maioritariamente en lingua galega
Tamén se constata unha alta competencia nos dous idiomas oficiais de Galicia
O principal reto para a lingua galega atópase nas novas xeracións, onde se rexistra que o 39,6% fala maioritariamente en galego
Santiago de Compostela, 16 de abril de 2010.- O galego é a lingua de maior uso social en Galicia, segundo se desprende dos datos que vén de facer públicos o Instituto Galego de Estatística (IGE) a través da Enquisa de condicións de vida das familias. Coñecemento e uso do galego. Segundo este estudo, o 56,4% da poboación maior de 5 anos fala sempre en galego ou máis galego ca castelán. Os que falan sempre en galego constitúen o 30% da poboación.
Xunto con este maior uso social do galego, os datos do IGE constatan un incremento da tendencia ao uso das dúas linguas oficiais de Galicia nos diferentes contextos sociais. Deste xeito, nas enquisas anteriores, as opcións monolingües estaban máis estendidas, mentres que os datos de 2008 mostran a tendencia ao aumento do número de individuos que fan uso habitual das dúas linguas, que constitúen o 46,5% da poboación, fronte ao 36,9% resultado en 2003.
Con todo, diminúen máis as cifras de monolingües en galego ca as de monolingües en castelán. Así, os monolingües en galego pasaron dun 43% a un 30%, pero os bilingües que falan máis habitualmente en galego ca en castelán incrementáronse dun 18.2% a un 26.4%. Esta tendencia afiánzase ao facer a análise por idades: o 55.6% dos individuos de entre 5 e 29 anos declaran empregar habitualmente as dúas linguas; os maiores de 50 anos falan habitualmente nas dúas nunha porcentaxe de 42.5%.
Boa competencia lingüística nas dúas linguas oficiais
No que respecta á competencia lingüística da poboación, os datos do IGE apuntan uns resultados moi positivos de coñecemento dos dous idiomas. No caso do galego, o 94.8% da poboación declara que entende moito ou bastante esta lingua. Ademais, o 89,1% declaran que saben falar moito ou bastante esta lingua. En canto á competencia escrita, existe un aumento dos que declaran saber escribir moito ou bastante en galego. Pásase do 52,94% rexistrado en 2003 ao 54,84% en 2008.
No tocante á lingua habitual de escritura, produciuse un lixeiro incremento na porcentaxe de galegos que habitualmente escriben en galego, pasando dun 14,5% en 2003 a un 15% en 2008. Con todo, o castelán segue a ser a lingua habitualmente empregada na escrita: o 82,9% escriben habitualmente en castelán.
O galego mantense como lingua habitual nas relacións persoais e afectivas
Outros aspectos destacables nos usos lingüísticos globais da poboación son que o galego se mantén como lingua habitual nas relacións persoais e afectivas, o que constitúe un aspecto moi importante para asegurar a fidelidade á lingua galega e, polo tanto, a continuidade no seu uso. Isto tradúcese en que a lingua maioritaria de relación cos amigos e mais cos fillos é o galego. As cifras que se rexistran nestes ámbitos son o 56,2% e o 57,9%, respectivamente.
No que respecta ao ámbito sociolaboral, o galego é a lingua maioritaria nas relacións interpersoais, o que se pode traducir nunha oportunidade para a extensión do galego no ámbito empresarial nos usos formais e corporativos. Deste xeito, o 52,4% das persoas falan sempre en galego ou máis galego ca castelán cos seus compañeiros de traballo, mentres que o 48,3% usa sempre esta lingua ou habitualmente máis ca o castelán cando fala cos clientes.
As franxas de idade máis novas, un reto para o galego
Un dos principais retos para a lingua galega atópase no uso que fan desta lingua os máis novos. Mentres que a franxa de poboación que máis usa o galego é a de máis idade, os máis novos adoitan falar máis castelán. Deste xeito, o 39,6% dos galegos entre 5 e 29 anos falan sempre galego ou máis galego ca castelán, fronte ao 60,4% que utiliza sempre ou máis o castelán. Mentres, a porcentaxe de poboación maior de 65 anos que utiliza sempre ou máis o galego ascende ao 78,5%.
Estes últimos datos apuntan a necesidade dunha actuación planificada nas idades máis novas que, tendo boa competencia en lingua galega, se expresan con máis frecuencia en castelán.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
