A Mariña, 26 de marzo, 2020. O Sindicato Labrego Galego vén de instar aos concellos de Muras, Xermade e Vilalba para que rexeiten a reorganización da atención sanitaria da comarca que pretende facer o Sergas, pechando os ambulatorios dos dous primeiros concellos para centralizar todos os servizos sanitarios no Punto de Atención Continuada (PAC) da capital chairega. Segundo puidemos saber polos medios de comunicación e por persoal sanitario, a intención do Sergas é aplicar esta medida tamén noutras comarcas lucenses como A Mariña.
Pedimos este rexeitamento porque aínda non hai ningunha directriz definitiva ao respecto, tal e como asegurou o propio Sergas ao aclarar que “non hai ningunha decisión tomada sobre a centralización da Atención Primaria en determinados centros de saúde aínda que traballa nun plan de continxencia”.
Porén, á vista das críticas realizadas por colectivos que defenden a sanidade pública como a Asociación Galega de Medicina Familiar e Comunitaria (Agamfec) ou SOS Sanidade Pública, dende o Sindicato Labrego Galego manifestámonos en contra do peche de ambulatorios rurais para concentrar a atención primaria en puntos de atención continuada.
Agamfec, por exemplo, aconsella que os e as pacientes sexan avaliad@s por persoal de atención primaria para discriminar quen pode seguir recibindo seguimento médico no seu domicilio dende os seus centros de saúde e quen ten que ser derivado a hospitais. Mesmo din que gañaría en axilidade se a xestión da pandemia se en vez de centralizar as consultas telefónicas nun só número, estas se fixesen directamente no ambulatorio de cada localidade; do mesmo xeito que a realización das probas diagnósticas do Covid-19. Neste senso, Agamfec conclúe dicindo que “a organización do noso sistema sanitario cunha atención primaria poderosa é, probablemente, o mellor deseño para dar resposta a esta pandemia. Os hospitais non só precisan máis recursos, senón que acadan a súa máxima eficiencia cando unicamente chegan aqueles pacientes que os precisan. Por este motivo, faise imprescindible que previamente teñan sido avaliados polos profesionais de atención primaria e atención continuada”.
Pola súa banda, SOS Sanidade Pública abonda no mesmo ao considerar necesario “manter modelo de Equipos de Atención Primaria que garanta unha atención continuada próxima e accesible a todas as persoas, contemplar as dificultades e os perigos dos desprazamentos nestes momentos e que as medidas sexan totalmente reversibles”.
Por todo o devandito, dende o SLG pedimos que se reforce a atención primaria pola súa proximidade e coñecemento profundo das zonas rurais nas que traballa e para facilitar a asistencia a persoas que, por calquera motivo -idade, distancia, carecer de medios de locomoción, etc- lles resulte dificultoso acudir aos puntos de atención continuada da súa comarca. Tamén pedimos a todos os alcaldes e alcaldesas da comarca que rexeiten calquera proposta ou pretensión do Sergas de pechar centros médicos rurais nos seus municipios.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
