Ribadeo, a 23 de marzo de 2020.- O voceiro do Grupo Municipal do PP de Ribadeo rexistra unha serie de medidas para conter o coronavirus e paliar os seus efectos sociais e económicos en Ribadeo; xa sexa a través da prestación de servizos sociais aos veciños e veciñas ou a través da implantación doutras accións no ámbito económico.
A este respecto, Daniel Vega considera necesaria a creación dunha comisión de seguimento da crise sanitaria ocasionada polo COVID-19 en Ribadeo integrada por todos os grupos políticos que teñen representación no pleno da corporación municipal.
Así mesmo, os populares propoñen a supresión do cobro por asistencia a plenos e comisións, por consenso de todos os grupos, durante o tempo que se considere para empregar estes fondos nas medidas que se adopten.
Política fiscal, pago a provedores, axudas ao tecido empresarial e servizos sociais
O Grupo Municipal Popular vén de rexistrar telematicamente no Concello algunhas propostas para adoptar medidas dende a administración local despois de que o seu portavoz, Daniel Vega, trasladara as súas suxestións aos voceiros dos Grupos Municipais da Corporación ribadense. As medidas propostas divídense en catro bloques: política fiscal, pago a provedores, axudas ao tecido empresarial e servizos sociais.
En relación ao primeiro bloque os populares ribadenses propoñen a exención ou supresión temporal daqueles impostos que recada o Concello para aquelas pequenas empresas ou autónomos que non poden desenvolver a súa actividade durante o período no que se prolongue a situación excepcional provocada polo estado de alarma para a xestión da situación de crise sanitaria ocasionada polo COVID-19. Trátase do IAE, IBI, o imposto sobre o lixo, a auga, as terrazas e a ocupación da vía pública ou a taxa para a venda ambulante.
Por outra banda, dende este Grupo Municipal cren “moi necesario” levar a cabo un plan urxente de pago a provedores. “A área económica do Concello debe tomar a decisión de aboar todas as facturas pendentes para reducir o efecto económico deste tempo de parálise”, sinala Vega.
Dentro das competencias municipais, tamén propoñen “activar algún tipo de axudas directas ao tecido empresarial, de xeito especial a comercio, autónomos e PEMES”. E, no ámbito dos servizos sociais, “priorizar a inversión nas persoas máis vulnerables, derivando fondos económicos desde outras partidas, se é preciso”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
