FOZ .- A vila de Foz verá arrancar o proxecto de circuítos teatrais “Buxiganga” na edición 2010. Hoxe ás 20:00 horas o grupo de teatro ARDORA representará na vila mariñana a obra Estigmas. O pasado martes o responsable de Cultura da Deputación, o nacionalista Antonio Veiga, presentaba, no museo do mar de San Cibrao, este innovador programa posto en marcha pola Área de Cultura da Deputación para o impulso ao teatro afeccionado. Na prensentación Veiga anuciou que, este ano, con respecto ao 2009, ademais de incrementárense o número de grupos de teatro, incrementouse o orzamento xeral do proxecto até aproximadamente 75.000 euros, o que vai permitir que todos os 16 grupos de teatro afeccionado que participan no programa sumen en conxunto 90 funcións en 45 concellos de Lugo.
Case a metade dos grupos de teatro que participan en Buxiganga son da Mariña (sete de dezaseis en total), e estes grupos realizan, grazas ao apoio da Área de Cultura da Deputación, un total de 40 actuacións por diferentes concellos lucenses. Os grupos de teatro da Mariña dentro do proxecto Buxiganga son: A Adala, Axóuxere se Batán de Foz, Ardora de San Cibrao, o Bordelo de Cervo, Raiolas de Alfoz e TeatroCrea de Viveiro. Ademais, os concellos tamén se benefician deste programa ao acoller diferentes concellos mariñaos un total de 25 actuacións teatrais subvencionadas pola Área de Cultura da Deputación.
Por outra parte, Antonio Veiga tamén anunciou que a Casa da Cultura de Burela, dentro do programa de formación introducido este ano como novidade en Buxiganga, acollerá un curso de técnicas interpretativas que se desenvolverá o 3, 10, 17, 24, 31 de xullo; e o 4, 11, 18, 25 de setembro.
ARDORA (San Cibrao – Cervo)
Os experimentados mariñeiros de San Cibrao aproveitaban a fosforescencia natural que na noite desprende un grupo de peixes para poder pescalos. A ese brillo chámaselle ardora. Isto é un brillo colectivo onde todos os peixes contan pero ningún é imprescindible. Este é o fundamento dun grupo de mulleres que formaron o grupo de teatro Ardora, colectivo que parte coa ilusión de que o seu traballo non sexa flor dun día, senón que prenda como unha alternativa de expresión cultural dun pobo cunha profunda tradición creativa. O día 6 de maio de 2007 facía a súa presentación Ardora teatro ante o público de San Cibrao. Coa súa primeira peza A criada xorda acadou éxitos notables en varias localidades do Concello e fóra del.
No ano 2008 o colectivo Ardora repite a experiencia do obradoiro teatral e, despois de varios meses de ensaio, estrea o 14 de xuño a súa segunda peza titulada Desde O Porto a San Ciprián, a cal foi representada nos concellos de Foz, Viveiro, Xove, Alfoz e nas VIII Veladas no Souto de Cervo.
No ano 2009 preparou Estigmas para ser estreada en xullo, con motivo da celebración das festas patronais de San Cibrao na Casa da Cultura. Todas as obras son orixinais de Francisco Piñeiro e están dirixidas por María Paz Rodríguez Silva.
ESTIGMAS
A contribución real das mulleres na historia dos pobos, xeralmente, non foi valorada con obxectividade. As máis das veces foron ninguneadas ou, como moito, consideradas elemento complementario, cando non decorativo. Hoxe en día, camiñando polo carreiro da igualdade, recoñécese o protagonismo feminino como unha das pedras angulares da evolución social, co cal o ser humano que nace muller xa non leva esa marca indeleble, tal fose un estigma que lle impidía pensar ou berrar libremente e con orgullo: eu quero ser muller.
Duración da peza
75 min
Autor da obra
Francisco Piñeiro González
Dirección
María Paz Rodríguez Silva.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
