Viveiro, 20 de febreiro de 2020. O delegado territorial da Xunta en Lugo, José Manuel Balseiro, asegura que a administración autonómica só quere darlle “unha solución áxil” as demandas da veciñanza do barrio da Xunqueira e, nese senso, insiste en reclamar premura ao Concello para asinar o convenio de colaboración e así poder acometer “canto antes” as obras que reduzan o risco de futuras inundacións.
Balseiro mantén que o convenio de colaboración puido estar firmado pero non foi así porque o Concello de Viveiro, pese a terse comprometido a elo, non presentou unha proposta na reunión que mantiveron con Augas de Galicia esta mesma semana. O delegado lembra que o obxectivo dese encontro era avanzar na sinatura dese convenio de colaboración entre Xunta, Concello e Deputación, pero a administración local veu coas “mans baleiras”.
Con todo Balseiro insiste en que a intención da Administración autonómica non é confrontar co Concello, “pois estamos obrigados a entendernos e puxemos sobre a mesa unha oferta leal de colaboración” pero considera un exercicio de transparencia, trasladar á veciñanza da Xunqueira que se este proxecto “non vai ao ritmo por todos agardado” é pola “falta de actividade e impulso” do Goberno local, “que se eterniza á hora de dar cada un dos pasos”.
“Xa o explicamos en moitas ocasións: O Concello desde marzo do ano pasado tiña sobre a mesa o resultado do estudo elaborado por Augas de Galicia no que se formulaban varias alternativas para a reconstrución do núcleo de Xunqueira e non foi ata hai unhas semanas que se decidiu por unha. E, agora, intentamos asinar un convenio a tres bandas e non presentan nin o documento en versión borrador, para poder ir avanzando”-explicou o delegado.
Os deberes feitos
Balseiro contrapón esta situación co proceder da Xunta que, ao seu xuízo “ten os deberes feitos, tanto de cara ao futuro como no pasado”. Inmediatamente despois das riadas a Xunta achegou 100.000 euros nas tarefas de recuperación da zona, retirada de residuos dos rios e regatos e incluso, pese a ser unha competencia municipal, acometeu a limpeza integral da rede de augas pluviais e colectores.
“E tamén ten os deberes feitos de cara ao futuro” A Xunta puxo sobre a mesa o compromiso de cofinanciar o custe das obras, pese a que se desenvolverán en espazos que son de competencia municipal, e consignou unha partida orzamentaria de 100.000 euros adicionais con este mesmo obxecto. E, por se isto fora pouco, asumiu o compromiso de elaborar os proxectos técnicos da alternativa escollida para evitar as inundacións e de licitar e adxudicar eses traballos”
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
