Lugo, 20 de febreiro de 2020. A subdelegada do Goberno, Isabel Rodríguez, avaliou hoxe a contribución que realizan as forzas e corpos de seguridade do Estado na mellora da convivencia e a seguridade nos centros educativos da provincia. Rodríguez presidiu esta mañá a reunión de constitución da Comisión provincial de seguemento do Plan Director de Seguridade en Centros Educativos da que forman parte representantes da Delegación do Goberno, a Policía Nacional, a Garda Civil, a Inspección Educativa da Xunta e do Goberno e a Unidade de Violencia de Xénero da Subdelegación do Goberno.
A reunión celebrouse na Subdelegación do Goberno e contou coa presenza do director da Alta Inspección de Educación do Goberno en Galicia, Manuel Regueiro, e tamén serviu para analizar a marcha das actividades que se desenvolven durante este curso académico en centros escolares da provincia dentro do Plan Director para a Convivencia e mellora da Seguridade nos centros educativos e as súas contornas.
Isabel Rodríguez, que agradeceu o labor que veñen realizando os axentes das Forzas e Corpos da Seguridade do Estado que se ocupan de impartir as charlas educativas e formativas sobre as distintas temáticas incluídas no Plan Director nos distintos centros da provincia, destacou que é a primeira vez que se constitúen as comisións provinciais.
Tamén fixo fincapé a subdelegada no importante incremento do número de vixilancias realizadas durante o ano 2019 pola Policía Nacional e a Garda Civil nos centros educativos da nosa provincia, xa que foron en total 5.679 fronte ás 3.695 do ano 2018. Froito desa labor de vixilancia foron os 4 puntos de venda de droga desactivados nas contornas dos centros escolares.
Pola súa parte, o director da Alta Inspección de Educación en Galicia fixo unha análise pormenorizado dos datos do Plan Director ao longo do ano 2019. Durante o pasado ano, 1.086 centros escolares de toda Galicia participaron nas actividades do Plan Director, o que supón máis do 80% do total de centros. Destes, 216 pertencen á provincia de Lugo, 58 situados nas demarcacións ás que dá servizo a Policía Nacional (Lugo, Monforte e Viveiro) e 158 da Garda Civil. O número total de asistentes a estes cursos foi superior aos 130.000 en Galicia, dos cales 16.000 foron da provincia de Lugo. Estas cifras supoñen un incremento de case o 20% con respecto ao exercizo anterior.
Durante este ano 2019 impartíronse un total de 3.630 charlas en centros educativos da nosa Comunidade, das que 440 corresponderon a centros da provincia de Lugo. Destas charlas destacaron en primeiro lugar as referentes á formación para o uso seguro das novas tecnoloxías (1.465), que supuxeron máis do 40% do total; seguidas das que trataron sobre prevención do acoso escolar (759), violencia de xénero (427), drogas e alcol (396).
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
