Nota de Prensa
PARA O BNG O CENTRO DE INFANTIL EXISTENTE NO RIVERA CASAS SERÍA O LUGAR IDÓNEO PARA ALBERGAR UNHA GARDERÍA MUNICIPAL
Hai asociacións do concello que veñen reclamando dende fai tempo o uso dos locais da Casa do Mar para as súas actividades
Demoler os locais do que foi o centro de infantil do Rivera Casás como pretende o PP e desaproveitar os recursos existentes
Cervo, 13 de abril de 2010. O BNG non comparte a intención do goberno local de trasladar aos baixos da Casa do Mar de San Cibrao o servizo do Punto de Atención Infantil, na actualidade situado en baixos das vivendas sociais da Atalaia. Para os nacionalistas o anuncio do goberno local demostra falla de planificación e desaproveitamento dos recursos existentes nunha política absurda e desorientada que da as costas aos intereses dos veciños e veciñas.
O que foi centro de infantil do Rivera Casas conta con 600 m2 de superficie e zonas de xogo ao aire libre
Os nacionalistas cervenses non comparten a intención anunciada polo goberno local de negociar a cesión dos locais existentes nos baixos da Casa do Mar para trasladar as instalacións do PAI dende os baixos das vivendas sociais da Atalaia á Casa do Mar. O BNG que sempre criticou por escasos e inadecuados os locais que actualmente ocupa o PAI, considera positivo que agora o goberno local comparta esta opinión, mais entende que o mellor lugar para esta instalación sería a edificación anexa ao Rivera Casas e os seus terreos exteriores por estar perfectamente adaptado e ter superficie tanto interior como exterior mais que suficiente para as necesidades que se precisan. “O portavoz municipal nacionalista, Xoán Estúa, manifestou que demoler esa instalación como pretende o goberno local despois da súa desafectación, e desaproveitar un recurso que xa existe e non precisa modificacións, nunha actitude “despilfarradora”e impropia dun goberno cabal e razoábel”. “Para Estúa, o PP no canto de aproveitar esas instalacións e xestionar con eficacia o diñeiro público, dedícase a improvisar e a malgastar os recursos públicos con Villares actuando como capataz dunha brigada de demolición”.
O alcalde sabe que hai asociacións do concello que levan tempo reclamando o uso dos locais dos baixos da Casa do Mar e esta e a súa resposta a esas peticións.
Para o BNG non e serio que o alcalde despois de comprometerse a apoiar a cesión de locais dos baixos da Casa do Mar a asociacións que así as solicitaron, agora diga que está xestionando cos seus titulares da Seguridade Social o seu uso para outros fins, “unha vez mais o Sr. Villares demostra falta de seriedade ao responder con este anuncio para saír do paso”. “Estúa lembrou que o anterior goberno galego fixo unha cesión de uso dalgún deses locais a Preescolar na Casa que o goberno local se negou a cumprir e posteriormente houbo outras asociacións que fixeron a mesma solicitude no concello á que se contestou que se estudaría e xa a teñen aquí”
En Cervo o PAI segue sendo de balde polo apoio dunha área de goberno nacionalista da Deputación que triplicou a axuda prestada pola Xunta
Estúa lembrou que goberno local aprobou unha taxa para o servizo do PAI en 2008 que posteriormente tivo que retirar xa que a Área de Benestar Social da Deputación xestionada polo BNG aprobou axudas que financiaban case a totalidade do servizo, na actualidade e grazas á mesma axuda concedida para o curso 2009-2010 por importe de 35.421,08 euros, mais de tres veces superior ao aportado pola Consellaría de Traballo e Benestar Social da Xunta que so aportou 11.835,73 euros, 2.000 menos que o concedido o ano anterior con un goberno nacionalista na Xunta de Galiza.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
