Ribadeo, 5 de febreiro de 2020. O alumnado de infantil e de primaria dos colexios Gregorio Sanz e Sagrado Corazón participará este xoves e venres nas Viaxes no tempo, que organizan a Concellaría de Igualdade e o CIM co obxectivo de ofrecerlles referentes femininos comarcais, galegos e internacionais. A actividade enmárcase no proxecto Eu quero ser coma… que Igualdade en colaboración cos centros educativos está levando a cabo para o alumnado do colexios ribadenses.
As Viaxes no Tempo desenvolveranse na Escola Municipal de Música de Danza mañá e o venres en horario de 10 a 13 horas. O xoves, día 6, pasarán pola Escola en 2 quendas todas as clases de infantil e primaria do Gregorio Sanz, e o venres, día 7, acudirán tamén en 2 quendas todo o Sagrado Corazón.
Desde a Concellaría de Igualdade explican que “a actividade consiste en que o alumnado viaxará no tempo para coñecer a diferentes persoeiras de diversos ámbitos (música, pintura, ciencia, literatura, deporte, etc…), algunhas delas orixinarias da Mariña coma Maruxa Mallo, outras galegas como a primeira muller futbolista Irene González, ou a primeira astrónoma galega Antonia Ferrín, e outras de ámbito internacional como a cantante Violeta Parra ou a precursora do wifi: Hedy Lamarr, entre outras”.
E engaden que “para isto o alumando da clase de coeducación do IES de Ribadeo Dionisio Gamallo, 4 profesoras dese mesmo centro e 2 voluntarias do grupo de teatro de Ribadeo, encarnarán os papeis desas mulleres e recibirán ao alumnado cada unha nunha aula da Escola. No momento no que o grupo atravese esas portas, deixará de estar no 2020 para remontarse a outros anos, e poder gozar das anécdotas e das aventuras contadas de primeira man por mulleres que aínda hoxe son recordadas polo seu papel na historia, pese a que nun primeiro momento a maioría sufriron moitas trabas para poder chegar onde chegaron, pola condición de ser mulleres”.
Desde Igualdade subliñan que “o obxectivo deste proxecto é ofrecer á rapazada referentes femininos, tan escasos nos libros de texto”.
Nas portas das aulas da Escola de Música haberá colocados carteis destas mulleres que foron e seguen a ser un referente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
