Viveiro, 5 de febreiro, 2020. O BNG de Viveiro ven de recibir un informe da Xunta de Galiza solicitado pola organización nacionalista, co fin de coñecer a evolución da praga da Couza Guatemalteca no seu termo municipal a raíz da preocupación amosada pola veciñanza ao enterarse pola prensa do levantamento da prohibición do cultivo da pataca nalgún dos concellos afectados por esta praga e, ao comprobar @s nacionalistas, que segue habendo unha total falta de transparencia e información oficial ao respecto desta problemática en Viveiro. “Unha Información que”, apunta a portavoz municipal do BNG Míriam Bermúdez: “segue sendo escasa, moi xenérica e pouco transparente a que nos trasladou o goberno de Feixóo.”
Os escasos datos remitidos pola Consellería de Medio Rural ao BNG viveirense sobre a evolución da Couza Guatemalteca neste termo municipal, desde o 2017, confirman que no concello de Viveiro rexistraronse dúas capturas da polilla guatemalteca no ano 2019, o que implica que a veciñanza deste concello seguirá sen poder cultivar patacas durante os próximos dous anos, cando menos, posto que a Xunta non levantará as restriccións deste cultivo en Viveiro, tal e como informou a Consellería @s nacionalistas, mentras se detecte a presenza da polilla nas zonas infectadas e entanto non se cumpra o artigo 15 do RD 197/2017, que estabelece que deben pasar un mínimo de “dous anos consecutivos” sen que se rexistren capturas para declarar o termo municipal libre desta praga.
O BNG de Viveiro critica a falta de eficacia na xestión da Xunta para loitar contra a praga da Couza Guatemalteca desde a súa aparición en Galiza, e lamenta que non fora capaz de adoptar ao longo dos últimos tres anos as medidas necesarias para eliminar esta praga no termo municipal de Viveiro e lograr así que a veciñanza, logo destes anos de prohibición, puidera volver a cultivar patacas neste 2020. “Por outra banda non se entende”, denuncia Míriam Bermúdez, portavoz municipal d@s nacionalistas, “que nin a Xunta de Galiza nin o Concello de Viveiro realizaran xuntanzas informativas periódicas e de asesoramento coa veciñanza, para mantela informada sobre as medidas implatadas para eliminar a couza, o tipo e número de controis realizados, trampas instaladas, evolución do número de capturas e zonas onde foron atopadas as polillas, entre outras”. Segundo a información que se nos trasladou desde Dirección Xeral de Gandaría, Agricultura e Industrias Agroalimentarias, realizaronse tan só charlas informativas no 2017.
@s nacionalistas demandan do goberno autonómico do PP poña un maior interese e esforzo na eliminación desta praga, que tan importantes perdas está a ocasionar aos produtores da pataca e nas economías familiares, dotando ao Plan de Acción para a erradicación e control de Tecla Solanivora na C.A. de Galiza dos fondos orzamentarios suficientes para a implantación de máis medidas de control, máis traballo de campo e investigación e maior información e asesoramento á veciñanza.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
