Barreiros, 16 de xaneiro de 2020. O Concello de Barreiros vén de poñer en marcha o servizo de punto limpo móbil, que percorrerá todas as parroquias e distintos lugares do concello para facilitar a reciclaxe de pequenos residuos domésticos a toda a veciñanza.
O percorrido deste vehículo comeza hoxe mesmo, instalándose na pista da festa de Vilamartín Pequeno; onde permanecerá ata o vindeiro xoves, 23 de xaneiro, cando se desprazará ata Vilamartín Grande.
A alcaldesa, Ana Ermida, xunto con parte do equipo de goberno, desprazouse ata Vilamartín para explicarlle á veciñanza o funcionamento do punto limpo móbil, e facilitando material informativo e bolsas reutilizables para fomentar a redución de residuos.
Despois de visitar os dous Vilamartíns, o vehículo colocarase o día 30 de xaneiro en Gondán.
O concelleiro de medio ambiente, Dámaso Ratoeira, explica que con este servizo “preténdese facilitar a correcta reciclaxe de residuos domésticos, achegando un lugar onde desfacerse deles de xeito correcto sen necesidade de achegarse ata o punto limpo que, lembra, segue abrindo os luns e xoves de 9 a 13 horas e séguese prestando o servizo de recollida de enseres voluminosos a domicilio, previa solicitude no propio concello.”
Desde o goberno municipal elaboraron un percorrido no que de xoves en xoves o vehículo desprazarase polos distintos lugares, con unha permanencia dunha semana, de xeito que periodicamente repetirá os lugares previstos.
O punto limpo móbil, adquirido con unha subvención da Xunta de Galicia cofinanciada polo Fondo Europeo de Desenvolvemento Rexional, comeza así un recorrido desde a zona interior do concello por todo o concello que ata xuño se realizará do seguinte xeito, concretando os lugares específicos mensualmente:
Do 16/01 ao 23/01: Vilamartín Pequeno
Do 23/01 ao 30/01: Vilamartín Grande
Do 30/01 ao 06/02: Gondán
Do 06/02 ao 13/02: Cabarcos
Do 13/02 ao 20/02: Vilamar
Do 20/02 ao 27/02: San Xusto
Do 27/02 ao 05/03: Morteiro/Val do Caínzo/Ibia
Do 05/03 ao 12/03: A Rilleira
Do 12/03 ao 18/03: Reinante
Do 18/03 ao 26/03: San Miguel
Do 26/03 ao 02/04: A Barranca
Do 02/04 ao 08/04: Sarxendez
Do 08/04 ao 16/04: O Canteiro (Benquerencia)
Do 16/04 ao 23/04: Suigrexa (Benquerencia)
Do 23/04 ao 30/04: Agolada (Benquerencia)
Do 30/04 ao 07/05: Barrionuevo (Benquerencia)
Do 07/05 ao 14/05: Remior
Do 14/05 ao 21/05: Vilar
Do 21/05 ao 28/05: San Cosme
Do 28/05 ao 04/06: Celeiro
Barreiros pon en marcha o punto limpo móbil que estará en Vilamartín Pequeno ata o vindeiro xoves
Relacionado
-
O PPdeG considera que o novo pronunciamento de Europa sobre Altri deixa en evidencia ao BNG e á esquerda: “Seis veces preguntaron e seis veces dixéronlles que non hai incumprimento”
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
