Nota de Prensa
Os populares ven nas críticas socialistas ao Presidente de Portos de Galicia unha cortina de fume para tapar as liortas internas do PSOE ao respecto da Lei do Solo e lembran que non consta a admisión a trámite polo xuíz da denuncia da Fiscalía nin polo tanto imputación algunha contra este alto cargo autonómico
O GRUPO POPULAR LEMBRA QUE MANUEL VÁZQUEZ E CARMEN GALLEGO PUIDERON REVISAR A DECLARACIÓN DE IMPACTO AMBIENTAL DA PISCIFACTORÍA DE RINLO E NON O FIXERON
* Balseiro desenmascara a careta do PSOE que tan só pretende acusar por acusar en base a mentiras: o procedemento seguido foi avalado pola UE, que arquivou unha denuncia sobre esta mesma cuestión, e Declaración de Impacto Ambiental foi realizada antes das eleccións autonómicas e non por un Goberno en funcións
* Tanto a UE como o anterior comisario de Pesca confirmaron que é posible desenvolver industrias acuícolas en terreos da Rede Natura, os mesmos nos que se instalou a piscifactoría de Mira en Portugal, onde o bipartito expulsou un proxecto empresarial chamado a xerar riqueza e emprego en Galicia
Santiago, 09 de abril de 2010.- O voceiro do Mar do Grupo Parlamentario Popular, Jose Manuel Balseiro Orol, vén saír ao paso das críticas efectuadas desde o PSOE ao respecto da denuncia da Fiscalía contra o actual Presidente de Portos de Galicia por autorizar no ano 2005 a declaración de impacto ambiental do proxecto de piscifactoría de Rinlo, en Ribadeo (Lugo). O voceiro popular amósase sorprendido que tanto os socialistas Manuel Vázquez como Carmen Gallego cualifiquen como “ilegalidades e mal procedemento” unha actuación que puideron revisar desde as súas responsabilidades de Goberno na Xunta bipartita e non o fixeron. Resulta especialmente chamativo que como titulares dos departamentos autonómicos de Medio Ambiente e Pesca, ningún dos entón conselleiros, revisaron esta declaración de impacto ambiental sobre o proxecto de piscifactoría de Rinlo.
Balseiro Orol está convencido que as críticas do PSOE queren ser unha cortina de fume para tapar as liortas internas do PSOE ao respecto da Lei do Solo, “pretenden acusar por acusar e o que é peor, o fan en base a mentiras” xa que eluden explicar que o procedemento seguido foi avalado pola Unión Europea, que incluso chegou a arquivar unha denuncia da organización ecoloxista nacionalista ADEGA sobre esta mesma cuestión. O voceiro do Mar corrixe tamén a Manuel Vázquez quen afirmou que a declaración de impacto ambiental foi aprobada por un Goberno en funcións, xa que tanto a súa remisión ao órgano que aproba (do 18 de maio) como a resolución pola que se fai publica (do 30 de maio) son anteriores á cita electoral do 19 de xuño de 2005.
REDE NATURA COMPATIBLE COS PROXECTOS ACUÍCOLAS
O voceiro do Mar do Grupo Popular volve a cualificar como “rotundamente falso” o repetido argumento dos socialistas de que non se poden facer plantas de acuicultura da Rede Natura, unha cuestión desmentida pola Unión Europea, en resposta escrita, e polo anterior comisario de Pesca, así como tamén polos feitos, xa que a piscifactoría instalada na localidade portuguesa de Mira, está situada precisamente na súa maior parte en terreos desta rede de protección ambiental. Balseiro Orol insiste en que estamos a falar dunha normativa europea que é común e igual en todos os estados da Unión, e polo tanto aquí como en Portugal cara onde a Xunta bipartita expulsou a maior granxa de cría de rodaballo do mundo, un proxecto empresarial chamado a xerar riqueza e novos empregos en Galicia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
