Lugo, a 7 de xaneiro de 2020. Cando a xestión dos asuntos públicos non é suficientemente eficaz, quen paga as consecuencias é o cidadán, que ve como as institucións perden inutilmente recursos que son precisos para atender as moitas necesidades da sociedade lucense. Un destes retrasos con consecuencias económicas negativas para o interese público dáse na reforma dos pavillóns do antigo Fogar de Santa María, no que se prevé a ubicación, entre outros, do Servizo Provincial de Recadación, actualmente nun edificio da Rúa Tui, polo que a Deputación paga uns 3.200 euros ao mes. O deputado popular Javier Castiñeira critica esta situación froito da xestión dos socialistas, agora baixo a presidencia de José Tomé, na Deputación. «O Grupo Provincial do PP quere denunciar o amplísimo retraso, de máis dun ano, que acumulan as obras do antigo Fogar de Santa María, que acollerá, entre outros servizos, o de recadación. Castiñeira explica: «Era decembro de 2017 cando o agora denostado pola xefatura socialista Álvaro Santos anunciaba o inicio de obra, que debería rematar aproximadamente a finais de 2018. A obra, con respecto ao afirmado no seu día por Santos, acumula un retraso de máis dun ano e, segundo informacións xornalísticas que citaban fontes do goberno provincial, estímase que chegará aos 15 meses, de modo que rematará a finais da primavera.
Javier Castiñeira destaca: «O servizo de Recadación funciona nun local alugado na rúa Tui, polo que a Deputación paga 3.200 euros mensuais; polo tanto, se a obra remata na próxima primavera, pódese chegar aos 47.000 euros que perderá a institución provincial por ese retraso. Considera que é un gasto que non debera darse e que puidera haberse evitado mediante unha xestión dilixente por parte do goberno provincial.
O mesmo deputado popular recordou que foi o Grupo Provincial do Partido Popular o que en marzo 2017 levou ao pleno da Deputación unha iniciativa para a mellora da situación do servizo e dos propios traballadores de Recadación; pero, de momento, seguen na rúa Tui, co conseguinte gasto en aluguer; esperemos que na primavera se poida leva a cabo o esperado cambio, porque sen tempo non é».
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
