Ribadeo, 13 de novembro, 2019. Case 20 anos despois de asinada a Carta de Aalborg pola participación e a sustentabilidade das políticas locais -16 deles participando no goberno municipal-, e meses despois de asinado o Pacto dos Alcaldes polo Clima, escoitamos ó noso alcalde falar dun Plan Integral de Medio Ambiente, aínda que fose para saír do paso a unha pregunta da oposición. Desde En Marea Ribadeo dámos ó ambiente unha importancia central, polo que queremos saudar este movemento e ofrecer a nosa man á equipa de goberno, comezando por publicar unhas ideas para ese Plan:
1) Participación: ningún alcalde, concelleira ou técnico mellorarán a xestión ambiental ribadense sen contar co compromiso dunha maioría da veciñanza. Ese compromiso só será real a través dun plan acordado -que pode avanzar por barrios ou parroquias, segundo se acaden compromisos- coas ribadenses. Nesa liña voltamos a solicitar un Consello de Medioambiente onde podan participar tódalas persoas e asociacións interesadas.
2) Redución de emisións de CO2: O 50% das emisións da veciñanza proceden do vehículo privado, polo que suxirimos complementar a progresiva peonalización co fomento da bicicleta, a través da redución da velocidade a 30Km/h na vila e Rinlo, e dispoñendo aparcadoiros cubertos para as bicis.
3) Enerxías renovables: aprobar unha ordenanza de instalación de renovables para autoconsumo axudaría no seu desenvolvemento. Propoñemos tamén un parque eólico singular municipal para abastecer ó Concello, e un proxecto de calefacción comunitaria de biomasa para a zona escolar, piscina, campo de futbol e cuartel ampliable no futuro a solicitudes de particulares.
4) Aforro de auga: reducir o consumo mínimo das facturas á metade (hoxe máis da metade dos abonados pagan polo que non consumen), o tempo que se sobe o prezo do metro cúbico a maiores e se promocionan os dispositivos de aforro.
5) Xestión de residuos: o propio alcalde fala da urxencia do inicio da compostaxe, para o que propoñemos substituír o actual colector de restos (“orgánica”) por un sistema mixto de autocompostaxe para vivendas dispersas, illas de compostaxe comunitaria nos núcleos máis compactos do rural e colector marrón na vila e Rinlo, cunha planta de compostaxe local no polígono industrial. Para reducir a xeración de residuos propoñemos estudar un centro de reutilización e reparación de electrodomésticos no punto limpo -que ben podería ser trasladado ó polígono industrial-.
6) Protección de espazos naturais: aplaudimos a eliminación de eucaliptos da marxe da ría, e propoñemos estender esta medida a todos os ríos e regos do concello, e máis as fontes tradicionais veciñais. Os bosques en galería das ribeiras son unha barreira ó avance dos lumes, e forman corredores ecolóxicos do máximo interese. A maiores, propoñemos rexistrar e catalogar os escasos restos de fragas que nos quedan empregando a figura de Espazos Naturais de Interese Municipal e esixir ás CCAA galega e asturiana e mais ao Mº para a Transición ecolóxica a redacción dun Plan de Protección da Ría de Ribadeo como obriga a lexislación vixente dende 1988.
7) Como xa propuxemos hai catro meses prantexamos a necesidade de promover un Programa comarcal con obxectivos concretos para a reducción progresiva do uso do Glifosato.
Finalmente, esta caste de medidas beneficiaríase dunha posición coherente e comprometida: convén que a mensaxe contra a xeración de residuos non sexa compensada por festas do consumo, a redución de CO2 por alumeados ostentosos ou a aposta pola bici e a FEVE por accesos en coche ó centro da vila ou novos aparcadoiros para vehículos privados.
En Marea Ribadeo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
