Burela, 12 de novembro de 2019.- Os máis de 3,5M€ que a Xunta destinou a Burela no que levamos de ano consolidan a administración autonómica como a que maior esforzo inversor está a facer, con gran diferenza, no municipio. Así o asegura o concelleiro electo e presidente do PP, Manuel Rouco, logo de manter unha reunión co delegado da Xunta, José Manuel Balseiro, na que se interesou polas obras e servizos que o Goberno galego impulsa no municipio.
Así por exemplo a Xunta vén de rematar a obra de remodelación integral do colexio Virxe do Carme de Burela, na que se investiron preto dun millón de euros ou á posta en marcha do obradoiro de emprego que Burela comparte cos municipios veciños de Cervo e Xove, de inicio inminente.
Ademais, o Goberno galego destina cada ano 400.000 euros ao sostemento do servizo de axuda no fogar para persoas dependentes e 313.000 euros adicionais para impulsar as obras e servizos que o propio Concello determine, neste caso, a cargo do Fondo de Cooperación Local.
Obras futuras máis inminentes
Entre os proxectos futuros máis inminentes promovidos pola Xunta está a obra de mellora da estación de autobuses (71.700 euros), e remodelación da rúa Hórreo (que a Xunta financia cunha achega de 120.000 euros) que poderán executarse antes de que remate o ano.
Pero as actuacións máis relevantes pola súa dimensión e contía son as centradas nas melloras portuarias. A Xunta está a piques de adxudicar a obra de construción do 2º martelo do porto, que contribuirá a mellorar o abrigo e seguridade na dársena (1,3M) e xa rematou de redactar o proxecto técnico de reforma da nave de redes (287.000 euros) que entra así en fase de contratación.
Outras partidas relevantes son as destinadas aos patrocinios deportivos: Burela Fútbol Sala (5.491,91 euros), Sociedade Deportiva Porto de Burela (1.406,46 euros), Club Baloncesto Burela (1.875,29 euros) e outros patrocinios (87.750,93 euros). A Xunta tamén destinou 11.089 euros a apoiar a programación cultural local, a través do circuito Rede galega de teatros e auditorios.
A Xunta principal sustento dos servizos públicos
Con todo, os 3,5M€ que a Xunta investiu no municipio son froito de investimentos directos, pero non hai que esquecer que a administración autonómica tamén garante con cargo aos seus orzamentos o funcionamento dos principais servizos públicos da localidade: o hospital, as dúas escolas infantís, os colexios e institutos, o centro de saúde, e constitúe o financiamento principal de servizos como os de atención temperá, centro de información á muller, servizos sociais, ect…
Manuel Rouco salienta os máis de 3,5M€ que a Xunta destinou a Burela no que levamos de ano
Relacionado
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
-
María José Gómez define os gandeiros como “garantes dunha parte moi importante da identidade de Galicia”
-
Loureiro destaca “a capacidade do Porto de Celeiro para facer fronte aos problemas e os cambios do sector pesqueiro”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
