Santiago, 5 de novembro de 2019. O Grupo Popular demandará no Pleno da vindeira semana o apoio do Parlamento galego á proposta de estatuto para os consumidores electrointensivos elaborada polo Goberno galego, ao tempo que solicita ao Goberno de España que asuma esta iniciativa e que adopte todas as medidas previstas de maneira inmediata. Así mesmo, solicitará ao Ministerio de Fomento que confirme o compromiso de impulsar a autovía de novo trazado entre Vigo e O Porriño, como estaba previsto no Plan extraordinario de investimentos en estradas do Goberno de Mariano Rajoy.
Ao remate da Xunta de Portavoces, o portavoz popular, Pedro Puy, informou que a sesión plenaria inclúe a comparecencia da conselleira de Política Social, atendendo unha petición tanto da propia conselleira como dos grupos da oposición, para informar sobre a situación da atención ás persoas maiores en Galicia.
Puy salientou que o número de prazas en residencias incrementouse en Galicia un 42 por cento desde o ano 2009, pasando de 5.578 a 7.969, ao que se engadirán as sete novas residencias que se construirán nas setes grandes cidades galegas, con 900 novas prazas en total, logo do acordo acadado entre a Xunta coa Fundación Amancio Ortega.
5.000 EMPREGOS EN SITUACIÓN CRÍTICA
No apartado de proposicións non de lei, o Grupo Popular solicitará o apoio do Parlamento galego á proposta de estatuto para os consumidores electrointensivos elaborada polo Goberno galego e que considera necesario que o novo Goberno central asuma na súa integridade, en tanto que a situación dos 5.000 empregos que dependen en Galicia destas industrias é crítica, moi especialmente daqueles que dependen da factoría de Alcoa en San Cibrao.
O portavoz popular concretou que, ademais das subvencións para compensar as emisións directas de CO2, que no caso da factoría de Alcoa en San Cibrao supoñen 25 millóns de euros, considerados insuficientes polos propios traballadores, a proposta de estatuto elaborada polo Goberno galego incorpora medidas de carácter fiscal, como a supresión do imposto do 7 por cento á xeración eléctrica a todos os consumidores e do céntimo verde ao carbón; a redución de cargas e peaxes recollidos nas tarifas de acceso, co obxectivo de axustar os custos de transporte ao resto de países europeos; o fomento dos contratos bilaterais de enerxía eléctrica, de maneira que o consumidor poida asegurar o seu prezo do mercado eléctrico para un determinado volume; e a necesidade irrenunciable da incorporación da categoría do consumidor hiper–electrointensivo.
“O obxectivo é que estas empresas electrointensivas poidan competir en igualdade co resto das empresas europeas do sector, para o que tamén precisan que se garanta un prezo da electricidade realmente competitivo fixado entre os 35 e os 40 euros por megavatio”, apuntou.
DÚBIDAS RESPECTO DA NOVA AUTOVÍA
A segunda das proposicións non de lei que defenderá o Grupo Popular ten como obxectivo que o Goberno central impulse a autovía de novo trazado entre Vigo e O Porriño, “prevista polo anterior Goberno de Mariano Rajoy pero sobre a que os novos responsables do Ministerio de Fomento teñen sementado dúbidas respecto da súa execución”, indicou Pedro Puy.
No que respecta ás preguntas ao Goberno galego, o Grupo Popular interesarase pola afección que terá en empresas e equipamentos situados en dominio público marítimo-terrestre de Galicia a modificación prevista polo Goberno central do regulamento da Lei de costas. “Esta decisión, que inicialmente parecía dirixida a finalizar coa actividade de Ence en Pontevedra, afecta a outros equipamentos existentes na costa galega, como empresas conserveiras, centros de saúde, colexios ou depuradoras”, concretou.
O Grupo Popular tamén preguntará pola evolución turística da Comunidade galega ao longo deste ano e, por último, sobre a actuación da Xunta para acompañar ao sector da automoción galega na consolidación do seu crecemento dos últimos anos e para dar resposta ao escenario futuro, logo do acordo de fusión entre PSA e Fiat-Chrysler para formar o cuarto grupo automobilístico mundial.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
