Ribadeo, 27 de outubro, 2019. O BeOne Ribadeo desprazouse á capital Lucense para disputar o derbi máis igualado dos últimos anos.
Por unha banda o Muralla, un club en claro crecemento (unha das escolas máis numerosas do rugby Galego) cunha renovada directiva que está a lograr dar moita máis visibilidade ao club e con equipos non só en todas as categorías senón co equipo feminino en División de Honra B.
En definitiva un club en claro crecemento e con moita historia na cidade, onde son moitos os xogadores e veteranos, involucrados no seu extructura, tanto deportiva como organizativa.
Doutra banda o BeOne Ribadeo, un Club novo que nace fai tres anos nas escolas deportivas municipais e que se foi facendo un oco no rugby Galego axuntando xogadores da Mariña e o occidente Asturiano. Con moitas dificultades para completar equipos (15 xogadores saltan ao campo nun partido de Rugby) e que, un ano máis, compite en Liga Galega con persoais moi axustados tanto a nivel de xogadores como de técnicos.
O BeOne desprazou a Lugo 13 xogadores, os 11 que xa jugarón o primeiro partido fronte a CRAT Coruña, aos que se sumaron Jorge Santalla (sub16 de primeiro ano que disputo os seus primeiros minutos despois de dous adestramentos) e Alicia Fernández unha valente sub14 de segundo ano que decidiu sumarse a Dario Fernández, xogador Tapiego, tamén sub14 e que se incorporou ao sub16 desde o primeiro partido. Non é normal ver xogadoras subir de categoría en rugby, cando a norma permítelles baixar se son de primeiro ano, pero sen dúbida ver como 11 xogadores saltaban ao campo en Ribadeo a xornada anterior contra 15 foi motivo máis que suficiente para ela.
O partido tivo dous partes moi definidas, o arranque dos ribadenses foi irresistible e no minuto 3, 18 e 23 lograban irse claramente no marcador 0-17, a partir dese momento un Muralla, que soubo ler perfectamente o partido, ben aconsellado en ambas as bandas, soubo aproveitar a súa superioridade numérica #ante un BeOne que se relaxou en exceso e vió como ao descanso vía desaparecer a súa vantaxe con tres ensaios, min.26, 35 e 37 que non só igualaban a contenda senón que ao ser centrados e fáciles de transformar poñían por diante ao equipo local 21-17.
Sen dúbida un final de primeira parte nefasto para o equipo de Ribadeo, que vía como nada máis comezar a segunda parte, e de novo cunha xogada na que o Muralla facía valer a súa superioridade numérica no campo, materializaba un novo ensaio, que xunto a outro no minuto 60 poñía terra polo medio e situaba un preocupante 33-17. Os ribadenses non perderon a cara ao partido en ningún momento e no minuto 63 situábanse con opcións de poder remontar de novo o partido cun ensaio de Daniel Amor, un dos destacados, 33-24. Con este resultado e con máis corazón que cabeza o BeOne atacaba unha e outra vez a nutrida defensa do equipo de Lugo que fixo honra ao seu nome e cal muralla impediu a reacción ata o minuto final onde ademais, nun roubo de balón conseguiu o 38-24 definitivo.
Para o adestrador do BeOne “Foi un merecido triunfo do equipo de Lugo, non soubemos administrarnos para manter a vantaxe e, como xa dixen fronte a CRAT, o Rugby é un deporte moi físico e xogar con menos xogadores e contra un equipo que pode facer cambios é moi complicado. Non podo dicir que nos valamos contentos pero a diferenza de 14 puntos (2 ensaios) fainos ter esperanzas de remontar este resultado na volta en casa, sen dúbida esperamos completar o persoal para entón. Tampouco estivemos finos na táctica, foi unha semana dura, o noso apertura non puido adestrar co grupo nin un só día e hoxe xogou sen superar a Bronquite que arrastra. A pesar de todo traballaremos para corrixir erros e esperamos poder estar ao 100% pronto, tanto no físico como no numérico”.
No mes de Novembro ponse en marcha toda a escola ao completo, o día 2 o sub16 en casa contra Ferrol, o día 10 o equipo Sub18 e Senior en Oviedo contra Cowper e o día 16 arrincan sub12, competición para sub14 e xornada de Rugby Inclusivo. Un mes que pechará o Sub18 e Senior xogando en Tapia fronte ao Pilier de Grao.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
