ELPOZO vs BURELA
Burela, 19 de outubro, 2019. O Pescados Rubén Burela FS deu a cara ata o final ante o poderoso ElPozo Murcia (3-1). O conxunto de Juanma Marrube foi de menos a máis e conseguiu recuperar a alma laranxa que se esvaera na xornada anterior, nunha cancha moi complicada contrarrestando o potencial dos locais en moitas fases do xogo. Con todo, non foi suficiente para frear a pegada de ElPozo, que soubo gañar os tres puntos aproveitando as súas ocasións, en estratexia e contragolpe na primeira parte e nun rexeite na segunda.
Nun inicio de tenteo, Paradynski asaltou a liña de pase fronte a Edu, sen éxito ante o naronés, xa no minuto 2. A primeira dos mariñáns, no 4, protagonizouna Renato desartellada por Fede por arriba. Puxeron a proba a rede galega Álex e Fernando e o foi o primeiro o que adiantou os charcuteiros no minuto 8, en xogo de pivote, recibindo un saque de esquina de Marc Tolrà e atopando oco no seu xiro. Darío subiu o 2-0 no 12 nunha concesión burelista; F. Valerio asistiu ao segundo pau tras pase de Paradynski en contragolpe. Demasiada vantaxe no luminoso para a igualdade vivida sobre a pista. Juanfran e Joselito, por partida dobre, dispuxeron sen fortuna das mellores dos galegos despois para reducir distancias. Edu tamén estivo moi atento ante Matteus e Fernando.
Optou por unha maior presión o conxunto galego tras o descanso, neutralizando as solucións ofensivas dos charcuteiros ante a formulación de Juanma Marrube e con grandes actuacións de Fede baixo paus. O meta local freou as intencións de Renato e Juanfran antes do ecuador do segundo acto e de Mata de lonxe, máis tarde. ElPozo aproveitou para ampliar a renda a falta de 5 minutos, a través de Fernando, o 14 murciano saíu vitorioso ante unha tentativa de despexe de Matamoros tras unha boa intervención de Edu, cun balón que tocou en Pope en última instancia. Cando o 10 burelista se estaba preparando para saltar con xogo de cino, o porteiro naronés evitou o cuarto fronte a Alberto García. Foi a por todo o Pescados Rubén e atopou nun segundo asedio sobre Fede o 3-1, nun lanzamento de Joselito que tocou en Matteus. Matamoros a punto estivo de sorprender na recta final e Álex Diz anotou superando xa a bucina final. Seguimos loitando!!!!!
Semana sen liga
Os burelistas retomarán as obrigas da liga o venres 1, coa visita do Servigroup Peñíscola (Vista Alegre, 20.30 horas), tras o descanso polo descanso da rolda principal do Mundial FIFA 2020. Alí estará o meta laranxa M. Kaluza para defender a Selección Polaca fronte a Xeorxia, Finlandia e España.
Ficha técnica
ElPozo Murcia FS: Fede, Matteus, Darío, F. Valerio, Paradynski, cinco inicial; tamén xogaron Fernando, Marc Tolrà, Pol Pacheco, L. Altamirano, Alberto García, Álex
Pescados Rubén Burela FS: Edu, Luisma, R. Vargas, Juanfran, Pope, cinco inicial; tamén xogaron Matamoros, Lucho, Joselito, Renato, Everton, Álex Diz
Goles: 1-0, minuto 8, Álex; 2-0, minuto 12, Darío; 3-0, minuto 35, Fernando (p.p. Pope); 3-1, minuto 38, Joselito (p.p. Matteus)
Árbitros: Blas Alonso // Romero Candela. Por ElPozo amarela Darío (minuto 23), Marc Tolrà (minuto 26). Por Burela amarela a Vargas (minuto 23), Álex Diz (minuto 30)
Incidencias: Partido correspondente á xornada 6 de Primeira División disputado no Palacio dos Deportes de Murcia, con emisión en directo de GOL TV
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
