A Mariña, 9 de outubro de 2019. A Mariña está presente no libro “Viajar por libre. 50 rutas en furgo por España”, do xornalista Pedro Madera. A FCAM segue así coa súa campaña de promoción turística desta comarca por todo o país, a través da colaboración iniciada hai un ano con este coñecido xornalista, historiador e viaxeiro infatigable.
O libro saíu á rúa a finais do pasado mes de setembro. Ao longo de 304 páxinas o seu autor propón 50 rutas para facer en furgoneta ou en autocaravana por España. Unha desas propostas é A Mariña lucense, El suave paso de Asturias a Galicia. O percorrido de máis de 100 quilómetros levará ao viaxeiro a gozar da beleza paisaxística entre Ribadeo e Viveiro, achegándose incluso ata Estaca de Bares. Proponlles visitas ás Catedrais, a Rinlo, a Foz, a Sargadelos ou a Viveiro, entre outros lugares, e tamén lles fai recomendacións sobre áreas para autocaravanas que poden atopar na comarca e alude a tradicións como a rapa das bestas.
Esta acción forma parte da campaña de promoción turística da comarca da Mariña que está realizar a nivel estatal desde hai un ano a FCAM coa colaboración da Xunta de Galicia.
O xornalista Pedro Madera xa publicou unha reportaxe en Marca Motor o pasado mes de abril na que achegou A Mariña a máis de 100.000 persoas. Madera fixo un percorrido entre Ribadeo e O Vicedo no que propuxo a visita a diferentes lugares de interese da Mariña como a Basílica de San Martiño, os portos de Nois, Burela, Celeiro ou O Vicedo. Falou da faba de Lourenzá e aludiu a establecementos comerciais como Panadería Torviso, Casa Damián, A Lonxa, Casa Chao ou Galipizza.
Madera realizou outra reportaxe para mylifeplanet.com con saída desde o río Eo e remate en Estaca de Bares. O xornalista define a costa de Lugo como “una colección de lugares donde la vida se disfruta con otro ritmo”.
Desde a Federación de Comercio A Mariña, o seu presidente, José Carlos Paleo, subliña que “é importante facer promoción do noso comercio e das nosas posibilidades turísticas aquí na Mariña, pero tamén é importante vender as nosas excelencias a nivel autonómico ou estatal. Si queremos recibir xente durante a maior parte do ano deberemos seguir traballando neste sentido”.
Paleo engade que “desde a FCAM levamos dous anos colaborando co programa Gente Viajera, que dirixe e presenta Esther Eiros en Onda Cero. Este ano fíxose desde Burela para toda España e o pasado desde Foz. A Mariña, a súa gastronomía, a súa paisaxe, os seus monumentos, a súa xente… foron protagonistas durante as catro horas de radio en directo feitas desde a nosa comarca en 2018 e 2019”.
O presidente da FCAM sinala que “todas estas actuacións están pensadas para atraer a máis visitantes durante todo o ano, non só no verán e na Semana Santa. A Mariña ten moito que ofrecer de xaneiro a decembro: rutas, gastronomía, ornitoloxía, monumentos, tradicións, comercio, hostalería… e todo iso temos que poñelo en valor de forma constante”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
