Lugo, 08 de outubro, 2019. O Partido Popular de Lugo concorre ás próximas eleccións xerais cunha candidatura continuísta, como corresponde a uns comicios excepcionais como son os do próximo 10 de novembro. É un candidatura que ten por cabeza de lista ao Congreso a Jaime de Olano e, ao Senado, a José Manuel Barreiro. Os candidatos inician a carreira do 10-N co obxectivo de levar á presidencia do Goberno a Pablo Casado, que é, destacan, o valor máis seguro para traballar a partir de todo o que nos une para superar os grandes retos aos que se enfronta España, no seu conxunto, e a provincia de Lugo en particular, tan afectada pola situación que atravesan empresas como Alcoa-San Cibrao e a térmica de As Pontes.
A presidenta provincial do PP, Elena Candia, sinala que estas eleccións teñen un carácter excepcional, por moitos motivos. O primeiro deles, que non deberon de ser necesarias. O PSOE nunca debeu presentar a moción de censura e moito menos se non era capaz de buscar os apoios suficientes para formar un goberno estable. Por iso, sinala Candia, pola excepcionalidade da convocatoria, se optou para a lista electoral polo continuísmo e a experiencia.
Candia indica igualmente que, como se recolle no lema elixido polo PP para esta convocatoria electoral, este é o momento de buscar todo o que nos une, o que une a sociedade española; é o momento de fuxir de conflitos, de personalismos e de pensar no noso país, na creación de emprego, nas familias que pasan por momentos de incerteza. «É o momento de elixir o que nos une», asegura a presidenta provincial del PP.
O cabeza de lista ao Congreso, Jaime de Olano, declarou: «Estoy muy agradecido porque tanto desde la dirección provincial como gallega confiasen en mí para encabezar la lista al Congreso pero, sobre todo, para defender los intereses de mi provincia, de Galicia y de los españoles. Por este motivo, adelanto que la primera iniciativa que llevaré personalmente al Congreso será pedir la supervivencia y mantenimiento de la actividad industrial de Alcoa y de todos los empleados».
Polo seu lado, José Manuel Barreiro manifestou o seu agradecemento ao partido por confiar de novo en el e expresou «un compromiso claro e total na defensa dos intereses da provincia». Engadiu: «Desde Lugo temos que contribuír a conseguir a estabilidade que necesita España e non ten». Barreiro está convencido de que os cidadáns saberán valorar electoralmente, despois da inestabilidade e a falta de eficiencia dos meses de Goberno de Pedro Sánchez, que o PP si sabe xestionar, como quedou claro durante a presidencia de Mariano Rajoy, e como o demostra cada día a Xunta presidida por Alberto Núñez Feijoo. A Lugo, di Barreiro, interésanlle o PP e Casado.
A lista que presenta o PP pola provincia de Lugo ao Congreso dos Deputados está encabezada polo avogado viveirense Jaime de Olano, concelleiro do PP en Viveiro e deputado no Congreso dende o 2011 onde exerceu como portavoz adxunto do Grupo Parlamentario Popular desde xullo de 2018 e, previamente, como voceiro de Orzamentos.
Joaquín García Díez, número 2 da lista, é biólogo. Foi alcalde de Lugo e formou parte dende o 2004 do Grupo Parlamentario Popular no Congreso onde foi portavoz de Pesca e portavoz da mesma materia na Comisión de Agricultura, Pesca e Alimentación.
A farmacéutica e concelleira focense de asuntos sociais, sanidade, educación, muller, xuventude e inmigración, Mercedes González Alonso, sitúase no número 3 da lista popular lucense ao Congreso que pecha María del Mar Carballas Piñeiro (Lugo).
Javier Santín Vilor (Cervantes), María Manuela Carballeira García (Guitiriz), Jesús Rodríguez Martínez (Sarria), Yovana Oroza Castro (Burela) e Begoña Sanjurjo Santar (Ribadeo) completan a candidatura popular como
suplentes.
O senador e membro da Deputación Permanente, o lucense José Manuel Barreiro Fernández, encabeza a candidatura do PP pola nosa provincia ao Senado. Doutor en Ciencias Económicas e Empresariais e catedrático da USC, é na actualidade portavoz adxunto do Grupo Popular no Senado onde tamén exerceu previamente como portavoz e portavoz de Economía. Enrique Ceferino Rozas López (Lugo) e Katherine Varela Fernández (Monforte) son o seu primeiro e
segunda suplente, respectivamente.
A xestora administrativa; concelleira de xuventude, voluntariado e turismo no Concello de Quiroga dende o 2011 e presidenta de NNXX da provincia, Rosa Arza, ocupa o segundo lugar da candidatura do PP ao Senado por Lugo. E no número tres figura Manuel Lorenzo Varela, diplomado en Ciencias Sociais e alcalde de Chantada.
Na lista do Partido Popular hai algún cambio nos suplentes en relación á anterior convocatoria electoral. Así, o exconcelleiro de Lugo Enrique Rozas, traballador civil de Defensa, ocupa o posto de primeiro suplente de José Manuel Barreiro. Rozas, foi concelleiro popular durante catro mandatos municipais. Previamente desempeñou a xerencia de Deportes de Lugo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
