A Mariña, 5 de outubro, 2019. O Partido Popular prioriza defender masivamente aos traballadores de Alcoa e o mantemento da actividade industrial da multinacional, mentres Pedro Sánchez prefire vir a Vigo a un acto de precampaña. Os populares, encabezados polos alcaldes de Xove e Cervo, Demetrio Salgueiro e Alfonso Villares, respectivamente; a presidenta provincial, Elena Candia; o vicesecretario de Participación, Jaime De Olano, ademais doutros cargos orgánicos da formación con representación a nivel nacional, local, autonómica e provincial, manifestaron o apoio unánime á multinacional, reclamando, unha vez máis, a aprobación do ansiado estatuto electrointensivo que poría fin á crise que atravesa a factoría, e que xa provocou o peche das centrais de A Coruña e Avilés.
Deste xeito, lamentaron que, tendo en conta que a situación de Alcoa e de Endesa son dous dos principais problemas que afectan a Galicia e á provincia de Lugo, en particular, o presidente do Goberno elixa a cidade olívica para facer precampaña. Así o destacou Elena Candia, quen afirmou: “reprobamos a actitude dun presidente do Goberno que, tendo sen aclarar o futuro de Alcoa e As Pontes, veña no seu transporte habitual a Vigo e non veña a dicirlles nin darlles unha solución ás familias da Mariña. Isto é unha decisión política que depende só do Goberno”; de aí que a presidenta pedise ao presidente en funcións “que se deixe de facer precampaña cos medios públicos e de todos os españois e priorice o que realmente lle preocupa a Galicia e á provincia”.
Jaime De Olano tamén foi rotundo na súa valoración. “El problema de Alcoa tiene nombre y apellidos y se llama Pedro Sánchez que, estando en funciones, considera que no tiene funciones para solucionar los problemas de los gallegos y que su única función es estar en perpetua campaña electoral”. Neste senso, afirmou que “se dedica a ver los problemas desde el avión mientras la situación económica empeora”. Por este motivo, o popular apelou ao 10N como “una oportunidad para Lugo, A Mariña y Galicia. Y es que Pedro Sánchez estuvo recientemente en Nueva York y desde luego no citó los problemas de industria gallega ni ha hecho ninguna gestión”; todo o contrario, dixo, do que fixo o Goberno de Rajoy en 2012.
Dado que o dirixente socialista está hoxe de visita en Galicia, “y seguro hablará más de Pablo Iglesias y de Franco que de los problemas que tenemos”, De Olano pediulle “que anuncie que va a entregar los 700 millones de euros de financiación autonómica y que va a dejar de ser un presidente moroso”.
Sempre cos traballadores
Os alcaldes de Xove e Cervo, municipios nos que está situada a planta de San Cibrao, explicaron que sempre se posicionaron do lado dos traballadores e así o seguirán facendo. Tal é así que, explicou Villares, “o argumento non varía unha coma do que mantiñamos en 2012”. “Goberne quen goberne temos que remar todos na mesma dirección e exteriorizar e visibilizar un problema que é moi grave para toda unha comarca. Co peche das cubas de electrólise e dos acontecementos de A Coruña e Avilés non podemos poñer unha venda nos ollos. Se non o facemos, a situación pode ser irreversible e a enfermidade pode ser que non teña cura”, sentenciou o rexedor de Cervo.
E é que, apuntou Demetrio Salgueiro, “temos un Goberno que non lanza unha mensaxe de tranquilidade, o que fai que o problema poida ser máis grave se non se toma unha solución. A provincia de Lugo non se entendería sen Alcoa e o que se constata é que Sánchez está máis preocupado doutros asuntos menos do emprego e das familias que viven desta fábrica”, remarcou.
Apoio institucional liderado polo PP
O encontro que mantiveron hoxe os populares dá continuidade a toda unha serie de iniciativas que veñen mantendo dende hai meses, co fin de parar a que é a peor crise que tivo a comarca. Recentemente, participaron na reunión convocada polo comité de empresa e asumiron plenamente a defensa dos intereses dos traballadores: que o Goberno fixe un prezo asumible da enerxía para as empresas que son grandes consumidoras como Alcoa e que pague as axudas correspondentes para a compensación dos custes indirectos por CO2. Tamén lideraron unha fronte común, presentando mocións nos Concellos, no Parlamento de Galicia, no Congreso dos Deputados e no Senado, así como na Deputación. Foi, precisamente, nesta última cámara onde os socialistas votaron en contra da iniciativa defendida e presentada polo Grupo Provincial do PP, mentres que os deputados do Partido Popular si que apoiaron a proposta do PSOE.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
