Nota de Prensa
ALFONSO VILLARES SUPERVISOU OS TRABALLOS PREVIOS DAS MELLORAS NO VIAL DA N-642 ENTRE FIGUEIRIDO E RÍO COBO
Cervo, 16 de outubro de 2008.- Alfonso Villares, alcalde de Cervo, mantivo hoxe unha reunión cun responsable da empresa Obras, Caminos y Asfaltos, encargada das obras de acondicionamento e mellora da estrada N-642 no tramo situado entre Figueirido e Río Cobo, có fin de supervisar os traballos que se están a facer dentro do termo municipal cervense.
Durante o encontro -no cal tamén estivo presente a concelleira Chelo Gallego- o mandatario local e o representante da construtora percorreron distintos puntos nos tres quilómetros do trazado desta estrada de competencia estatal que está sendo modificada. Segundo Villares, a visita “in situ” das zonas onde se está a traballar serviu para “tentar atallar posibles problemas que se poidan derivar desta actuación”.
Entre os aspectos tratados, Villares destacou os referidos á modificación dos accesos á estrada dende puntos coma o de Río Cobo. Neste senso solicitou da empresa que se respecten “ao máximo” os actuais accesos aos distintos núcleos de vivendas e logrou acadar o compromiso do responsable da obra para manter a zona de aparcamentos da urbanización Vía Láctea de Río Cobo; a cal ía a desaparecer de acometerse as obras segundo o proxecto orixinal. “Non solo se van a manter os actuais aparcamentos, senón que coa modificación aceptada hoxe polos responsables das obras habilitarase un novo acceso que permitirá crear prazas de aparcamento a ambos lados da calzada resultante” asegurou Villares.
O alcalde tamén aproveitou para interesarse por outros temas como o das canalizacións e a recollida de augas pluviais. O primeiro edil pediu unha serie de melloras para que non se produzan problemas de inundacións nas casas que están máis preto da estrada.
Segundo Villares, o Concello pretende que estas obras de mellora “non afecte máis do estritamente necesario” aos propietarios das vivendas polas que discorre o trazado.
As actuacións previstas polo ministerio de Fomento neste tramo foron adxudicadas o pasado 2 de xullo de 2007 e contan cun orzamento de 2,5 millóns de euros. Consisten na substitución da intersección en dobre T do punto quilométrico 52,150 (Río Cobo) por un enlace con paso superior; a construción de dous vías de servizo paralelas á N-642 separadas con barreira ríxida de formigón; así mesmo canalizaranse os cambios de sentido e a incorporación á N-642 evitando as manobras de cruce e xiro á esquerda e entroncarán coa carreteira da Deputación que da acceso a San Ciprián e Sargadelos que conecta co ramal de enlace e coa urbanización de Río Cobo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
