Burela, 1 de outubro de 2019. O Concello recibía nas últimas horas dúas obras realizadas no parque Rosalía de Castro, onde foi remodelada a zona de xogo dos máis pequenos, e na Avenida da Marosa na que se cambiaron once luminarias. O investimento total ascendeu a 10.000 euros procedentes de remanentes do Plan Único da Deputación de Lugo do ano pasado.
O concelleiro de Obras, Ramiro Fernández Rey, explicou que “no día de onte foron entregadas dúas obras que viñan procedentes de fondos de remanentes da Deputación do Plan Único do ano pasado. As obras consistían nunha reparación no parque Rosalía de Castro, no que na zona dos máis pequenos había elementos que estaban deteriorados e incluso algún que non cumpría a normativa vixente para este tipo de parques. Solventáronse todos os problemas, reparouse tamén o solo e algúns elementos estruturais do parque. A contía da obra ascendeu a 7.866,21 euros”.
O edil burelés contou que “outra obra que se acometeu foi o cambio de luminarias na Avenida da Marosa, na estrada que vai desde A Casilla ata a Marosa. Cambiáronse once luminarias que eran de vapor de sodio e que tiñan un consumo e un mantemento que era caro, por outras de tipo led de 60 watios co cal a zona queda moi iluminada e ademais imos conseguir tamén un aforro enerxético, que é un dos obxectivos que estamos tendo desde o equipo de goberno durante toda a lexislatura e esperemos seguir esta con este tipo de actuacións. A obra tiña unha contía de 3.088,77 euros”.
Fernández Rey engadiu que “estamos nesta liña de traballo de intentar o aforro enerxético e cambiar luminarias antigas que teñen un consumo e un mantemento importante. Entramos dentro do Plan Ilumina da Deputación e Burela vai contar cun orzamento en torno a 13.000 euros, que imos acometer en breve, esperemos que cando a Deputación licite esa obra xa poidan acometela. Imos actuar noutras rúas de Burela cambiando luminarias e intentando mellorar tanto iluminación como tamén conseguir un aforro enerxético”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
