Ribadeo, 1 de setembro de 2019. O público abarrotou o Teatro ribadense para asistir ao pregón que pronunciou o xornalista Fabián Pérez na tarde-noite de onte. Así deron comezo as festas patronais de 2019 en Ribadeo.
Fabián Pérez, que na actualidade traballa como reporteiro no programa Todo es mentira, de Cuatro, referiuse ás lembranzas que lle traen estes festexos desde neno. Contou como disfrutaba nos coches de choque ou como lle daba medo o saltamontes. Aludiu á presenza das orquestras nas festas dos pobos e tivo un recordo para Salitre, unha formación de Ribadeo. Pero o momento máis emotivo da noite foi cando lembrou á súa nai, falecida hai uns meses, e un dos últimos percorridos que fixo con ela polo campo da festa en 2017. O xornalista ribadense falou tamén do seu amor por Ribadeo e definiuse coma un traballador da Oficina de Turismo de Ribadeo en Madrid, subliñou que anima a todo o mundo a vir coñecer esta vila, pero lembrou tamén a precariedade dalgunhas infraestruturas coma por exemplo o ferrocarril ou a distancia que debe percorrer un turista que colla o avión ata Coruña, Santiago ou Oviedo.
Fabián Pérez foi ovacionado en varias ocasións por un público entregado, entre os que se atopaban familiares, amigos ou compañeiros de colexio e instituto, entre outros.
Pérez Rego amosouse moi orgulloso e emocionado de ter sido elixido para ser o pregoeiro das festas de Ribadeo, a pesares da súa xuventude.
Ao remate da súa intervención Juan José Otero, o presidente da comisión organizadora, fíxolle entrega dun agasallo como mostra de agradecemento. E a continuación tivo lugar a actuación da Coral Polifónica de Ribadeo.
A Fabián Pérez precedérono na palabra Juan José Otero, que tivo palabras de agradecemento para todas as empresas, comercios, establecementos hostaleiros, veciños e veciñas que colaboraron coa comisión organizadora para que as festas de Ribadeo sexan realidade un ao máis. O presidente agradeceu o apoio do Concello e da Xunta de Galicia. Tamén fixeron uso da palabra o alcalde de Ribadeo, Fernando Suárez, e o tesoureiro da comisión, Avelino Martínez.
O programa de actividades das festas patronais de Ribadeo 2019 seguirá o 5 de setembro co Día Infantil. Ás 16:00 horas haberá teatro para os nenos e nenas de 3 a 10 anos. Será a storytime Around the world, by Kids&Us School of English Ribadeo. Ás 16:30 horas no parque Diverneno con inchables, festa da escuma e moito máis. No caso de que o tempo non acompañe os xogos trasladaranse ao pavillón do colexio Gregorio Sanz. E xa pola noite ás 22:30 horas haberá festa verbena amenizada pola orquestra Los Satélites.
O 6 de setembro, venres, as orquestras Trébol e Nueva Fuerza serán as encargadas de amenizar a festa verbena desde as 22:30 horas.
O día 7, véspera da Patroa, grandes bombas de palenque anunciarán esta data pola mañá. Ás 11:30 horas sairán os Cocos e os Cabezudos, acompañados polo grupo Amigos da Gaita. Ás 22:30 haberá verbena con Passarela e La Favorita. E ás doce da noite terá lugar a gran sesión de fogos artificiais no peirao.
O día grande das festas patronais de Ribadeo será o 8 de setembro, festividade de Santa María do Campo. A xornada arrincará con potentes bombas de palenque. Ás 12 do mediodía na igrexa parroquial será a misa solemne cantada pola Coral Polifónica de Ribadeo, seguida da procesión que estará acompañada pola Banda Municipal de Música ribadense, que despois ofrecerá un concerto diante do Concello. Xa pola noite as orquestras Palladium e Televisión serán as encargadas de poñer a nota musical na verbena.
E o 9 de setembro será o Día dos Nenos. Durante esa xornada haberá prezos populares nas atraccións das festas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
