Burela, 26 de agosto de 2019. Na V Feira do Libro de Burela, que se celebrará do 30 de agosto ao 1 de setembro, haberá presentacións, actividades para os máis pequenos, teatro con Carlos Blanco e Touriñán e sorteo de agasallos. O pregón será pronunciado por Pablo Mosquera o sábado ás 12:30 horas e ese día terá lugar un debate titulado O trasno, 30 anos despois, no que participarán Emilio Legaspi e Manuel Nebril a partires das 20:00 horas.
O concelleiro de Cultura, José Díaz, anunciou que “este fin de semana celebramos en Burela a quinta Feira do Libro. Empezará o venres e transcurrirá durante todo o fin de semana. Os horarios van ser de 12:00 a 14:00 horas polas mañás e de 18:00 a 21:30 horas polas tardes. Faremos o pregón o sábado ás doce e media da mañá e este ano o pregoeiro vai ser Pablo Mosquera, unha persoa moi vinculada á cultura en toda A Mariña, e en particular á literatura, é dos que tiran das feiras do libro ademais de pola súa traxectoria literaria”.
O edil contou que “tamén teremos un par de contacontos, tanto o sábado como o domingo, á unha do mediodía. O sábado estará Fátima Fernández e o domingo Caxoto Cativo para darlles presenza aos máis pequenos e que se vaian afeccionando ás feiras do libro. Haberá ademais un taller infantil de manualidades con Conchita Fraga, o venres de seis a oito da tarde na praza da Mariña”.
Díaz lembrou que “este fin de semana temos programado, paralelo á Feira do Libro, a obra Unha noite na praia con Carlos Blanco e Touriñán. Fixémolo coincidir porque non nos parece mala idea que haxa varios eventos o mesmo fin de semana, como xa fixemos coa Feira do Bonito para que a xente teña máis oferta onde elixir”.
O concelleiro de Cultura contou que “haberá varias presentacións ao longo dos tres días de diferentes escritores, moitos deles da Mariña. Ademais teremos unha actividade distinta, que penso que pode resultar moi interesante, que será o sábado ás oito da tarde, e consistirá nun debate titulado O trasno, 30 anos despois. Emilio Legaspi e Manuel Nebril van falarnos do que era esta publicación de fai anos en Burela, en concreto estivo na rúa de 1985 ata 1990, tiña unha tirada mensual e recollía a actualidade política, social e cultual do que entón era o concello de Cervo. Recuperamos estas publicacións a través de Buril, a asociación cultural do pobo que hai poucos meses deixaba a súa actividade despois de moitos anos facendo moitas cousas ben feitas pola cultura en Burela. No seu momento a Deputación de Lugo publicou os números desta revista nun dobre volume, que foi o que nos fixo tomar a decisión de que dous dos responsables desa publicación nos falen dela o próximo sábado”.
José Díaz seguiu a relatar que “na Feira tamén teremos á nosa escritora local Antía Yáñez, que presentará o seu último libro O misterio do Torques de Burela o domingo ás oito da tarde. Pecharemos esta edición de 2019 cun evento musical ás nove e media o domingo, que actuará Crooner 432”.
O edil burelés agarda que “esta Feira do Libro congregue a moita xente este fin de semana en Burela e que se vexa que desde o Concello se lle dá importancia ao libro, e a que os nenos e nenas coñezan o libro a pesares das novas tecnoloxías porque penso que é un formato que debemos seguir coidando. Teremos oito casetas na Feira e quero agradecer a súa presenza aos libreiros que veñen a estar con nós este próximo fin de semana en Burela”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
