Ribadeo, 9 de agosto de 2019. A concelleira do Grupo Municipal Popular de Ribadeo delegada da área de Turismo, Begoña Sanjurjo, critica que “o equipo de Goberno local do BNG non procure buscar solucións para poder abrir o albergue municipal de peregrinos de Vilela” e destaca que “o Goberno municipal, un abandeirado da inclusión social, non cumpre a lei de accesibilidade”.
A edil popular sinala que “falta aínda a primeira vez na que o Goberno local do BNG asuma algún problema como propio” e, polo tanto, critica que “o equipo de Goberno de Fernando Suárez só saiba botar balóns fóra culpando á Xunta de Galicia cada vez que se detectan xestións cuestionables en Ribadeo”.
Propostas para a posta en marcha do albergue e servizos aos peregrinos
Dende o Grupo Municipal do PP propoñen “habilitar prazas de aloxamento alternativo costeadas polo Concello para as persoas con diversidade funcional que realizan o Camiño Norte; se non é posible dotar ao albergue de Vilela cun ascensor. Deste xeito, non se falta ao respecto nin se ignora ao colectivo”, engaden.
Begoña Sanjurjo aposta por “buscar solucións para abrir o albergue” e condena que “ademais dos problemas de accesibilidade destas instalacións, o albergue tamén conta con outras pequenas deficiencias no seu funcionamento; xa que non realizaba o rexistro de usuarios ou o selado de credenciais, por exemplo”.
Así mesmo, recorda que “os guías na capela da Ponte existiron mentres a Xunta os pagou –xa que o servizo se prestaba no marco das actividades desenvoltas polos alumnos do obradoiro de emprego-. Agora só queda un código QR que da acceso á información sobre as pinturas do seu interior habilitado tamén grazas ao obradoiro de emprego que financia o Goberno galego”. Con todo, “non é o mesmo que observar as pinturas nos propios muros do santuario das Virtudes”, lamenta.
“O Camiño Norte non é prioritario nin estratéxico para Fernando Suárez”
Os populares condenan, pois, que “o Camiño Norte non sexa prioritario nin estratéxico para Fernando Suárez cando as rutas xacobeas son coñecidas en todo o mundo”. Pola contra, “nós cremos que non hai propaganda da vila máis barata nin máis universal”, conclúen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
