Burela, 31 de xullo, 2019. O pivote zurdo Jacobo Amoedo estivo arroupado polo presidente, Manuel Blanco, e o fundador de Pescados Rubén, Rubén Blanco, na presentación de laranxa. “Eu caracterízome por ser un traballador incansable, creo que esa é a única forma de conseguir resultados” explicaba o xogador natural de Pazos de Borbén que volve á liga española, estreándose na Primeira División, despois de tres tempada en Italia.
Amoedo, de 26 anos, arrancará oficialmente a pretempada co Pescados Rubén Burela FS mañá, con dobre sesión, no Monte Castelo e en Vista Alegre. “É un reto moi bonito. Dende a primeira chamada de Juanma xa me fixo moita ilusión; tiña ganas de volver a España. Nunca se sabe cando vai ser o momento. Sempre tiven ganas e ilusión por xogar preto da casa. Cando me xurdiu esta oportunidade non o pensei dúas veces” explicaba o novo laranxa.
Axed Groupo Latina, da Serie A, foi o destindo do xogador en 2016-17 desde o Bembrive de Segunda B. En 2017 ascendeu á Serie A1, onde militou con Meta Catania nas dúas últimas campañas. Como un dos catro reforzos mariñáns regresa a España: “Espero incorporarme ben, creo que hai un bo grupo e creo que os compañeiros e corpo técnico me van axudar para adaptarme axiña. Vexo unha Primeira División moi esixente, con todos os equipos moi reforzados. O meu obxectivo é o do equipo; como di Juanma, é ir partido a partido e así o faremos para conseguir manternos na categoría” explicaba o galego.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
